Gəncin boynundan 1,5 metrlik armatur çıxarıldı - FOTO

Rozanov adına Moskva Regional Xəstəxanasının həkimləri 20 yaşlı gəncin boynundan 1,5 metrlik armaturu uğurla çıxara biliblər.

Bu barədə Regional Səhiyyə Nazirliyinin mətbuat xidməti məlumat yayıb.

Bildirib ki, gənc xəstəxananın qəbul şöbəsinə boynundan çıxan, uzunluğu təxminən 1,5 m, diametri 16 mm-ə çatan dəmir armaturla daxil olub. O, 2-ci mərtəbədən pəncərənin altındakı tikinti sahəsinə yıxılıb.

Qeyd olunub ki, armatur həyati orqanlara toxunmayıb. Müayinə zamanı xəstədə boyun nahiyəsinin deşilmiş yarası, sol çiyinin kəsiyi və sağ əlin səthi yaraları aşkar edilib.

Mətbuat xidmətindən verilən məlumata görə, hazırda gənc tibb işçilərinin nəzarətindədir və vəziyyəti narahatlıq doğurmur. O, tezliklə evə buraxılacaq./Oxu.az

Telegramda izləyin