Sosial Xidmətlər Agentliyi Kürdəmir rayonunda vətəndaş qəbulu keçirəcək

May ayının 27-də Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Kürdəmir rayonunda vətəndaş qəbulu keçirəcək.

Sonxeber.az-ın məlumatına görə, qəbulda Kürdəmir və Zardab rayonlarının sakinləri iştirak edə bilərlər. Qəbulda imtiyazlı şəxslərin mənzil (fərdi ev) təminati, avtomobil təminatı, sayyar sosial xidmətin təşkili, sanatoriya-kurort yollayışları ilə təminat, şəhid ailə üzvünün vəsiqəsi ilə təmin edilmə və qurumun fəaliyyətinə aid digər sahələrə dair məsələlərlə bağlı müraciətlər cavablandırılacaq.

Adı qeyd edilən rayonların sakinləri may ayının 25-dək (012) 525-41-30 (daxili 5614, 5043) telefon nömrəsinə zəng edərək, [email protected] elektron poçt ünvanına məktub göndərərək, yerli filiala yaxınlaşaraq, həmçinin agentliyin sosial şəbəkə hesabları vasitəsilə qəbula yazıla bilərlər. Vǝtəndaşlar qəbula yazılan şəxslərin avvəlcədən tərtib edilmiş siyahısı əsasında qəbul ediləcəklər.

Ünvan: Kürdəmir rayonu, Atakişili yolu (Dövlət Sosial Müdafiə Fondunun Kürdəmir rayon şöbəsinin inzibati binası)

Telegramda izləyin