100 kəndi su basdı, 57 nəfər öldü - VİDEO

Banqladeş və Hindistanda daşqınlar baş verib.

Sonxeber.az xarici mətbuata istinadən xəbər verir ki, daşqın Hindistanın Assam və Silhete əyalətində, eləcə də Banqladeşdə leysan yağışları nəticəsində baş verib.

Daşqın nəticəsində 57 nəfər həlak olub.

Silhet rayonunun rəsmi nümayəndəsi Moharraf Hossin bildirib ki, bu günə qədər daşqın nəticəsində təxminən iki milyon insan köməksiz vəziyyətdə qalıb.

Qeyd edək ki, Zakiganjda ən azı 100 kəndi su basıb.

Həmçinin, 850 mindən çox insanın daşqınlardan əziyyət çəkdiyi və bu ərazidə yerləşən kənd təsərrüfatı sahələrinin su altında qaldığı bildirilib.

Çaylarda suyun səviyyəsinin artması və regionda iri torpaqların su altında qalması ilə əlaqədar 90 minə yaxın insan dövlət yardım sığınacaqlarına köçürülüb.

AYSEL QULİYEVA

Telegramda izləyin