"Günümüzün gəncləri" adlı konsert proqramı keçirildi - VİDEO

Mədəniyyət Nazirliyinin təşkilatçılığı ilə "Gənclərə dəstək" layihəsi çərçivəsində "Günümüzün gəncləri" adlı konsert proqramı keçirilib.

Sonxeber.az-ın məlumatına görə, konsert Müslüm Maqomayev adına Azərbaycan Dövlət Akademik Filarmoniyasının Kamera və Orqan Musiqisi zalında baş tutub.

"Günümüzün gəncləri" adlı tədbirdə solistlər Prezident təqaüdçüləri, Respublika və beynəlxalq müsabiqələr laureatları Zərrin Əliyeva və Orxan Hüseynov çıxış ediblər. Gənc ifaçıları pianoçular - Azərbaycan Milli Konservatoriyasının baş müəllimi Arzu Səfərova və Respublika, beynəlxalq müsabiqələr laureatı Fəqan Həsənli müşayiət ediblər.

Qeyd edək ki, konsertdə F.Əmirov – "Muğam - poema", T.Bakıxanov – İmprovizasiya "Sözsüz mahnı" (ilk ifa), İ.S.Bax – "Ave Maria" (orqan ilə), N.Paqanini – "İo ti Penso amore", P.Sarasate – "Qaraçı nəğmələri", A.Dadaşov – "Zərrin" (ilk ifa), C.Quliyev – "İlğım", G.F.Hendel – "Passakaliya", R.Şuman – "Üç fantastik pyes", P.İ.Çaykovski – "Pezzo kapriççiozo", H.Bottermund/J.Starker – "Paqanini mövzusunda variasiyalar" adlı əsərlər ifa olunub.

Ənənəvi olaraq, ayda bir neçə dəfə keçirilən layihənin konsertləri klassik, xor musiqisi, muğam, caz və estrada musiqisi sahələrini əhatə edir.

Aysel SƏFƏRZADƏ

Telegramda izləyin

instagramda izləyin