Uşaqlıq illərinə qayıtmaq istəyən aktrisa atasından danışıb kövrəldi - VİDEO

"22 yaşıma qayıtsaydım, həyatımda çox şeyi dəyişərdim".

Sonxeber.az-ın məlumatına görə, bu sözləri Vəfa Zeynalova "MTV Azərbaycan" kanalında yayımlanan "Üzə-düz" verilişinə müsahibəsi zamanı söyləyib.

O, ailəsi ilə bağlı xatirələrindən, itirdiklərindən danışarkən kövrəlib:

"22 yaşıma qayıtsaydım, atamla birgə xeyli vaxt keçirərdim. Atam elə bir işdə idi ki, onu çox görə bilmirdik. Həm o, çox az danışan biri idi. Xatirələrə qayıdanda, o qədər az xatirəm var ki... O xatirələr üçün darıxıram. İstəyirəm ki, çox olsun.

Çox gənc yaşda qardaşımı itirmişəm. Onunla o qədər gözəl xatirələrim var. Baxmayaraq ki, biz davamlı şəkildə davalar edirdik, bu gün deyirəm ki, kaş yaşayardı, yenə dalaşardıq. Xəstəliyə düçar olduğu üçün onu itirdik.

5 uşaqdan ibarət böyük ailə olmuşuq: 1 qardaş, 4 bacı. Həmişə mehriban olmuşuq. Mənim üçün ailə müqəddəs olmalıdır, hər kəs bir-birinə dəyər verməlidir. Evin sonbeşiyi olmuşam və mənə, demək olar ki, qadağa qoyulmayıb. Anama deyirdim ki, "Niyə bacılarımı sıxırsan, məni yox?" Deyirdi: "Səndən arxayınam. Səni hər yerə buraxaram. Sən heç vaxt məni yanıltmarsan!""

Aysel SƏFƏRZADƏ

Telegramda izləyin

instagramda izləyin