Filmlərə çəkmədilər, hər kəsdən üz döndərdi, ehtiyac içində dünyasını dəyişdi - "Qayınana"ın bəxtsiz Sevdası
Kulis.az Əməkdar artist, aktrisa Tanilə Əhmərova haqqında maraqlı faktları təqdim edir.
Milliyyətcə tatar olan Tanilə Aisa qızı Əhmərova 1950-ci ildə iyunun 1-də Bakının Sabunçu qəsəbəsində anadan olub. Uşaq yaşlarından təhsil aldığı 78 nömrəli məktəbdəki teatr dərnəyinə göstərdiyi maraq sonradan onu aktrisalığa aparıb.
Təhsilini başa vurduqdan sonra bir müddət 1967-1972-ci illərdə hesablayıcı və dispetçer işləyib. Amma aktrisa olmaq istəyinə doğru addımlamaqda davam edib.
1972-ci ildə M.Əliyev adına Dövlət Teatr İnstitutuna qəbul olunub. Burada o dövrün ustad sənətkarlarından dərs alıb. Tələbə olduğu müddətdə həm də işləyib. Bakıdakı Mədəniyyət saraylarından birində müdir vəzifəsində çalışıb.
Aktrisa 1977-ci ildə M.Əliyev adına Dövlət Teatr İnstitutunu bitirib. 1978-ci ildən Cəfər Cabbarlı adına "Azərbaycanfilm" kinostudiyasının aktrisası olub.
O, "Üzeyir ömrü" filmində Üzeyirin anası, "Qayınana" filmində Sevda, "Şir evdən getdi" filmində Şəfiqə müəllimə, Sevinc buxtası"nda Leyla kimi yaddaqalan obrazlar yaradıb.
Azərbaycanda 15-ə yaxın ekran əsərində müxtəlif səpkili obrazlar yaratmış Tanilə Əhmərovanı çoxları "Qayınana" filmindən Sevda kimi tanıyır. Cənnət xalanın gəlini, diş həkimi Sevda. O, bu obrazla tamaşaçıların sevimlisinə çevrilib. Deyilənə görə, özü də bu rolunu çox sevib.
Tanilə Əhmərova 1979-cu ildə Azərbaycan SSR Ali Sovetinin Fəxri Fərmanına layiq görülüb. Daha sonra Azərbaycanın Əməkdar artisti fəxri adı ilə təltif olunub.
Tanilə Əhmərova iki dəfə ailə qurub. İlk evliliyindən bir qızı doğulub. İkinci dəfə isə aktrisa 1997-ci ilə Vahid Yusifoğlu adlı şəxsə ərə gedir. Amma bu nikahdan onun övladı doğulmayıb.
Həmkarları onu həyatda və sənətdə bəxti gətirməyən aktrisalar sırasına aid edirlər. Deyirlər ki, həm aktrisa kimi, həm də insan kimi çox dəyərli idi. Amma həyatda da, sənətdə də onunku gətirməyib. Tanilə Əhmərova Sevda obrazı ilə yaddaşlarda qalsa da, potensialı tam açılmayıb.
Maraqlıdır ki, çox sayda filmlərin sınaq çəkilişində iştirak edib. Amma sonradan onun əvəzinə başqasını çəkiblər. Ömrü boyu kinoda yeni filmlərə çəkiləcəyini gözləyən aktrisa 1990-cı ildən sonra xəyal qırıqlığına uğrayır, depressiyaya məruz qalır və sonuncu dəfə 1993-cü ildə "Təhminə" filmində epizodik rola çəkilərək sənətdən uzaqlaşır.
Filmlərə çəkilməmək aktrisanın maddi durumuna pis təsir edir. Maddi və mənəvi sıxıntılar üzündən uzun müddət evinə qapanıb, heç kəslə görüşmür.
2014-cü ildə mətbuat Tanilə Əhmərovanın baxımsızlıqdan əziyyət çəkdiyini yazırdı. Hələ o zaman 147 manat pensiya aldığını deyən aktrisa bu pulun nə dərmanına, nə yeməyinə, nə də digər ehtiyaclarının ödənməsinə bəs etmədiyini bildirirdi.
Səhəti gün-gündən pisləşən aktrisa 2015-ci ilin yanvarında ikinci dəfə insult keçirir. Həmin vaxtlar həmkarları sosial şəbəkələrdə paylaşdıqları məlumatlarda Tanilə Əhmərovanın vəziyyətinin ağır olduğunu, yeriyə bilmədiyini bildirir, müvafiq qurumları ona kömək etməyə çağırırdılar. Amma bu çağırışlara səs verən olmur.
Özünə qarşı bu biganəlik onu hamıdan üz döndərməyə məcbur edir. Qapısını nəinki həmkarlarının, hətta jurnalistlərin də üzünə bağlayır. Mətbuata müsahibə vermir. Ölüm gününədək heç kimlə görüşmək istəmir.
Tanilə Əhmərova ilə birlikdə "Qayınana" filmində oynamış Xalq artisti, mərhum Fuad Poladov müsahibələrinin birində deyirdi: "Tanilə Əhmərova həm aktrisa kimi, həm də insan kimi çox dəyərli idi. Xatirimdə çox yaraşıqlı, həlim bir xanım kimi qalıb. Çox gözəl aktrisa, özünəməxsus rolların ifaçısı idi. Bunlardan biri də "Qayınana" filmindəki Sevda roludur. Filmdəki rolu həyatdakı obrazına çox uyğun gəlirdi. Azərbaycan kinosunda öz imzasını qoydu Tanilə xanım. Uzun müddət xəstə yatdı. Mən də bir neçə dəfə onu yoluxmaq istədim, amma deyib ki, heç kimi qəbul etmək istəmir. Dünən vəfat etdiyini eşidəndə çox pis təsir etdi mənə".
Xalq artisti İlham Namiq Kamal da aktrisa haqqında deyir: "Tanilə xanım çox bacarıqlı, istedadlı aktrisa idi. Təəssüf ki, Azərbaycan kinosunda onun potensialından kifayət qədər istifadə edilmədi. Onun kinodan kənar düşməsinin günahkarı sözsüz ki, rejissorlardır. Tanilə Əhmərovanın kinodan kənar düşməsi ilə Azərbaycan filmləri bir çox maraqlı obrazlar itirib".
Sənət yoldaşlarının dediyinə görə, 4 il yataq xəstəsi olan aktrisanın qızı ilə də münasibətləri pozulubmuş. Ona baxan, əziyyətini çəkən yalnız həmişə yanında olan həyat yoldaşı olub.
Aktrisa uzun sürən xəstəlikdən sonra 4 avqust 2015-ci il tarixində Bakıda vəfat edir. Onu Zabrat qəsəbəsindəki qəbiristanlığında dəfn edirlər.






Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Dünən Bakıda nadir təbiət hadisəsi yaşanıb
Hüseyndən keçmiş xanımına ATMACA: "Onunla yox, bununla HƏ" - VİDEO
Qaynananın yeni evli gəlinə yazdığı mesajlar viral oldu - FOTO
Tualet kağızı keçmişdə qalır - Ona alternativ yaradıldı
Əllərdə keyimə və iynələnmə hansı xəstəliyin əlamətidir?
Türkiyədə 8-ci sinif şagirdinin məktəbdə törətdiyi qətliamın TƏFƏRRÜATI - FOTO - VİDEO
"Cəhənnəm olsun, getsin sübut eləsin" - Xalq artistindən Almaxanıma CAVAB
Arda Güler tribunada minlərlə insan arasında görün kimi axtardı
Azərbaycandan qaçan məktəb direktoru Türkiyədə tutuldu
"Uşaqlarımı hələ bir-biri ilə görüşdürməmişəm"
Bakıda bu şadlıq sarayı bağlandı (FOTO/VİDEO)
Göydən sərvət yağdı: pəncərədən milyonları səpdi - VİDEO
TƏCİLİ: Azərbaycanda şagirdləri daşıyan avtobus AŞDI - Hadisə yerindən GÖRÜNTÜLƏR - VİDEO
Məktəbə silahı hücum edən İsanın qəribə görüntüləri yayıldı
Toyda şadlıq evinin tavanı deşildi, zalı su basdı - Video