Şakira Pikenin xəyanətindən danışdı

Müğənni Şakira "Barselona"nın futbolçusu Herard Pikenin xəyanəti ilə bağlı guya əsəb böhranı keçirərək xəstəxanaya yerləşdirilməsi xəbərini təkzib edib.

Bu barədə informasiyanı "Hola" nəşri yayıb.

"Bu yaxınlarda Barselonada xəstəxanada olduğum barədə çoxlu mesajlar aldım. Sadəcə bilmənizi istəyirəm ki, bu fotolar keçən həftə atam yıxılanda çəkilib. Mən onu təcili yardım maşını ilə xəstəxanaya apardım, indi sağalır", - müğənni Twitter-də yazıb.

Şakira və Pike 2011-ci ildə görüşməyə başlayıblar və bu müddət ərzində iki uşaq dünyaya gətirdilər. Lakin rəsmi olaraq nikahları yoxdur.

Bu həftə müğənninin övladlarının atasını xəyanətdə ittiham etməsi ilə bağlı xəbərlər yayılıb.

Pikenin ya gənc sarışınla, ya da komanda yoldaşı Qavinin anası ilə yatdığı haqda şayiələr yer alıb.

Telegramda izləyin