Məktəbliləri pis vərdişə dadandıran şəxs: "Qurandakı "şəfalı bitki" elə narkotikdir" - FOTO

Məktəbliləri pis vərdişə dadandıran şəxs: "Qurandakı "şəfalı bitki" elə narkotikdir" - FOTOBakı Ağır Cinayətlər Məhkəməsində bağ evinin həyətində narkotik bitkiləri əkib-becərən şəxsə hökm oxunub.

"Qafqazinfo"nun əldə etdiyi məlumata görə, 1972-ci il təvəllüdlü Nizami Ağayev Fatmayıdakı bağ sahəsində xüsusi üsullarla çətənə kolları becərdiyi üçün Cinayət Məcəlləsinin 237.2.3-cü (Qanunsuz olaraq tərkibində narkotik maddələr olan bitkiləri kultivasiya etmə - külli miqdarda törədildikdə) maddəsi ilə təqsirləndirilib.

Məhkəmə iclasında təqsirləndirilən şəxs qismində dindirilən N.Ağayev bildirib ki, o, narkotik bitkiləri elmi araşdırmalar məqsədilə əkib:

"Özümü elan edilmiş ittiham üzrə təqsirli bilmirəm, lakin ittiham aktında yazılanların hamısı düzdür. Belə ki, narkotik vasitəni elmi fəaliyyətlə məşğul olmaq üçün əkmişəm. Narkotik vasitənin tibdə bir çox xəstəliklərin müalicəsində faydası misilsizdir. Buna misal olaraq şəkərli diabet, vərəm, xərçəng, dərialtı ləkələr kimi bir sıra xəstəlikləri göstərmək olar. Bundan əlavə, narkotik vasitə kulinariya sahəsində də geniş istifadə edilsə, insan orqanizmi üçün daha faydalı olar. Eləcə də müqəddəs kitab Qurani-Kərimdə "şəfa otu" deyərkən məhz narkotik vasitə nəzərdə tutulur. Bu barədə çoxsaylı kitablarım çap olunub, eyni zamanda, onlar müxtəlif dillərə tərcümə edilib. Mənim gördüyüm işlər barədə hakimiyyət nümayəndələri xəbərdardırlar. Belə ki, onlar öz nümayəndələrini yanıma göndəriblər və aramızda danışıqlar gedib və onlar bu görüşlərin nəticəsi olaraq mənim düz danışdığımı bildiriblər. Uzun illər tədqiqat aparmış bir şəxs kimi onu deyə bilərəm ki, narkotik vasitənin toxumundan tutmuş, göyərib boy atmasına qədər insan fəlsəfəsinə bənzəyir".

Araşdırmalar zamanı məlum olub ki, Nizami Ağayev 2015-ci ildə də narkotik vasitələrin qanunsuz dövriyyəsinə görə həbs edilib. O, həbsxanada olarkən həyat yoldaşına Fatmayıdakı bağ evini tərk etməsini və azadlığa çıxandan sonra orada tək yaşayacağını deyib.

Məhkəmədə şahid qismində çıxış edən N.Ağayevin həyat yoldaşı onun əkdiyi narkotik bitkilərin məktəbli uşaqlar arasında yayıldığını bildirib:

"Hazırda restoranda xadimə işləyirəm. Nizamini 2010-cu ildən tanıyıram və 2013-cü ildə onunla rəsmi nikaha daxil olmuşam. Evləndikdən sonra Binəqədi rayonu Fatmayı bağları adlanan ərazidə yerləşən fərdi yaşayış-bağ evində yaşadıq. 2015-ci ildə Nizami həbs olundu. Biz uşaqlarla həmin bağ evində yaşayırdıq. Nizami cəzaçəkmə müəssisəsindən azad olunmamışdan əvvəl telefonla xəbər göndərdi ki, uşaqları da götürüb bağ evini boşaldım, çıxandan sonra özü orada tək qalacaq. 2020-ci il fevralında evi boşaldıb, uşaqları da götürüb bir müddət kirayədə, daha sonra isə anamgildə qalmağa başladım.
Məktəbliləri pis vərdişə dadandıran şəxs: "Qurandakı "şəfalı bitki" elə narkotikdir" - FOTOFotoda: Nizami Ağayev

Binəqədi Rayon Məhkəməsinin 20 sentyabr 2021-ci il tarixli qərarı ilə onunla rəsmi şəkildə boşandım, Nizamiyə aliment də kəsildi. 2020-ci ilin mart ayında Nizami azadlığa çıxandan sonra Fatmayıdakı bağ evində tək qalmağa başladı. 22 sentyabr 2021-ci il tarixdə uşağı məktəbə apardıqda həmin ərazidə yaşayan valideynlər və ətrafda qalanlar mənə yaxınlaşaraq bildirdilər ki, Nizami "nəşəxorluq" edir, ağzında nəşə küçədə gəzir, bunu da uşaqlar görürlər. Daha sonra direktor müavini Aygün xanım məktəbli uşaqların Nizaminin həyətində əkdiyi narkotik otlardan gətirib çəkdiklərini bildirdi. Bundan sonra qızımla birgə bağ evinə getdim. Nizaminin saçı-saqqalı çox uzanmışdı. Daha sonra bağ tərəfə gedəndə orada uzun, yaşıl bitkilər gördüm. Hansı ki onları əvvəllər görməmişdim. Nizami həmin bitkilərə damcı halında su verirdi, qulluğunda dururdu. Nizamidən həmin bitkilərin nə olmasını soruşduqda: "Sənlik deyil, özüm üçün əkmişəm, heç kimə demə, özüm bilərəm, görürsən, özünü görməzliyə vur", - dedi. Həmin bitkilərin şəklini telefonla çəkib internetdə onlar haqqında maraqlandıqda narkotik tərkibli bitki olduqlarını öyrəndim.

Daha sonra növbəti dəfə Nizaminin yaşadığı evə gələndə onu yenə də pis vəziyyətdə gördüm. Buna görə də Daxili İşlər Nazirliyinin "102" xidmətinə və təcili tibbi yardıma zəng etdim. Ümumiyyətlə, Nizami dəfələrlə mənə zəng edib evə çağıraraq özünü doğramaqla hədələyib. Eyni zamanda, azyaşlı qızıma da zəng edib hədə-qorxu gələrək öldürməklə, yandırmaqla hədələyib".

Bakı Ağır Cinayətlər Məhkəməsinin 7 iyun 2022-ci il tarixli hökmü ilə Nizami Ağayevə beş il müddətinə həbs cəzası verilib. Onun cəzasını ciddi rejimli cəzaçəkmə müəssisəsində çəkəcəyi qeyd edilib.


Sonxeber.az
Telegramda izləyin
Kriminal   Baxılıb: 2741   Tarix: 10 iyun 2022  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Qaxda baş verən yanğın məhdudlaşdırılıb

Qax rayonunun Güllük kəndi ərazisində hündür dağ zirvəsində dünən axşam saatlarından başlayan yanğın məhdudlaşdırılıb. "Report"un Şimal-qərb bürosunun məlumatına görə, əraziyə Qax Dövlət Yanğından Mühafizə Hissəsinin 2 yanğınsöndürən texnikası, 40 nəfər şəxsi heyəti, o cümlədən meşə təsərrüfat

25 avqust 2021
.

Bu rayonda 15 gün ərzində 12 koronavirus xəstəsinə cinayət işi açıldı

Cəlilabad Rayon Polis Şöbəsinin əməkdaşlarının keçirdiyi müvafiq yoxlamalar zamanı yaşayış yerini tərk edən aktiv koronavirus infeksiyası daşıyıcısı aşkarlanıb. DİN Mətbuat Xidmətinin Lənkəran regional qrupundan -a verilən məlumata görə, Cəlilabad rayon sakini T.Əliyarlıya COVID-19 infeksiyası testini

25 avqust 2021
.

Prokurorluq keçmiş polis rəisinin bıçaqlanması ilə bağlı MƏLUMAT YAYDI - YENİLƏNİB

Avqustun 24-ü saat 21 radələrində Xaçmaz rayon sakini Əsgərbəyli Əliağa Aydın oğlunun kəsilmiş-deşilmiş yaraları diaqnozu ilə Xaçmaz Rayon Mərkəzi Xəstəxanasına daxil olması barədə rayon prokurorluğuna məlumat daxil olub. Xaçmaz Rayon Prokurorluğundan -a verilən məlumata görə, aparılmış araşdırmalarl

25 avqust 2021
.

Şirvanda narkoman avtomobili oğurlayaraq yandırdı – FOTO

Şirvan sakini oğurladığı avtomobili yandırıb, saxlanılan zaman onun üzərində narkotik vasitə olan heroin aşkar edilib. xəbər verir ki, avqustun 20-də əvvəllər məhkum olunan Şirvan sakini, 1997-ci il təvəllüdlü Qasımzadə Sakit Qasım oğlu saat 5.00 radələrində avtomobil təmiri sexindən Şirvan sakini, F.Namazov

22 avqust 2021
.

Zeytunluqda kişi həyat yoldaşını bıçaqladı

Sentyabrın 12-i saat 22 radələrində paytaxtın Binəqədi rayonu, Bağpark küçəsi, Zeytunluq massivində 1996-cı il təvəllüdlü Təhminə Hüseynovaya bıçaqla xəsarətlər yetirilməsi barədə rayon prokurorluğuna məlumat daxil olub. Binəqədi rayon prokurorluğundan -a verilən məlumata görə, aparılan araşdırmalarl

13 sentyabr 2021
.

Narkotik yetişdirən Hacıqabul sakinləri SAXLANILDI

Hacıqabul Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi, eləcə də narkotik tərkibli bitkilərin kultivasiyası ilə məşğul olan şəxslər müəyyən edilərək məsuliyyətə cəlb olunublar. DİN-in Mətbuat Xidmətinin Şirvan regional qrupundan -a verilən məlumata görə, daxi

12 sentyabr 2021
.

Sabirabadda qaynını bıçaqlayıb, qayınanasına xəsarət yetirən şəxs saxlanılıb - YENİLƏNİB

Sabirabadın Kürkəndi kəndində qaynını bıçaqlayan Ramil Tarverdiyev polis tərəfindən saxlanılıb. Kənd sakini, 1986-cı il təvəllüdlü Zərbəliyev İlkin Əlifağa oğlu boğazından və döş qəfəsindən bıçaqlanıb. Yaralı çoxsaylı bıçaq xəsarətləri və qanitirmə diaqnozu ilə Şirvan Şəhər Mərkəzi Xəstəxanasına yerləşdirilərə

7 sentyabr 2021
.

İsmayıllıda ƏMƏLİYYAT - Heroin alverçisi saxlanıldı - FOTO

İsmayıllı Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi və alqı-satqısı ilə məşğul olan şəxslərə qarşı əməliyyat tədbiri keçirilib. DİN-in Mətbuat Xidmətinin Şəki regional qrupundan  -a verilən məlumata görə, keçirilən əməliyyat zamanı üzərində narkotik vasit

22 avqust 2021
.

Azərbaycanda DƏHŞƏTLİ OLAY - Dostu ilə əlbir olub qardaşını öldürdü

Prokurorluq Bərdədə baş vermiş hadisə ilə bağlı məlumat yayıb. Rayon prokurorluğundan -a daxil olan məlumatda deyilir:. "Avqustun 28-i saat 20 radələrində Bərdə rayonu, Hacallı kəndində transformatorun içində kənd sakini, 1988-ci il təvəllüdlü Səxavət Nəzərovun meyitinin aşkar edilməsi barədə rayo

30 avqust 2021