Tez yuxuya getməyin 4 SADƏ QAYDASI

Həkim və teleaparıcı Maykl Mosli tez yuxuya getməyə kömək edəcək dörd sadə qaydanın adını çəkib.

Lent.az-ın xarici mediaya istinadla xəbərinə görə, o qeyd edib ki, insanların çoxu gündə ən azı yeddi-səkkiz saat yatmaq məsləhətinə məhəl qoymurlar.

Moslinin ilk qaydası yalnız qaranlıqda yatmaqdır. Mütəxəssis yataq otağının pəncərələrinə qara pərdələrin asılmasını və lazım gələrsə, yuxu maskası taxmağı tövsiyə edib, çünki yuxuya səbəb olan hormonlar yalnız qaranlıqda istehsal olunur.

"Dan yerinin tez ağarması bizi oyadır, ona görə də iyun ayında biz ən az yatırıq. Qışdan təxminən 25 dəqiqə az. Və bu, ilk növbədə işığa məruz qalma səbəbindən baş verir, - həkim vurğulayıb.

İkinci məsləhət, dəqiq gündəlik rejimə sahib olmaq və ona sadiq qalmaqdır. Moslinin sözlərinə görə, eyni vaxtda yatıb oyanmaq lazımdır.

Yuxuya getməkdə çətinlik çəkən hər kəsin əməl etməli olduğu başqa bir qayda - 15 dəqiqəlik qaydadır. Həkim bu qayda haqqında deyib: "Əgər siz yatağa uzandıqdan 15 dəqiqə sonra yuxuya düşmədinizsə, ayağa qalxın və darıxdırıcı bir şeylə məşğul olun, hələ ki yuxuculluğu hiss etməyəcəksiniz, yalnız bundan sonra yatağa qayıdın".

Sonda Mosli heç vaxt çarpayıda avara qalmamağı tövsiyə edir. Onun fikrincə, yalnız yatmaq və cinsi əlaqədə olmaq yolveriləndir. Bu, beynin onu istirahət, televizora baxmaq və ya video oyunlar oynamaqla deyil, yalnız yuxu ilə əlaqələndirməyi öyrənməsinə kömək edəcək.

Telegramda izləyin