Rusiya Luqansk ərazisini nəzarətə götürdü

Rusiya qüvvələri Ukraynanın şərqində bütün Luqansk ərazisini nəzarətə götürüb.
Sonxeber.az xarici mətbuata istinadən xəbər verir ki, bu barədə Rusiyanın müdafiə naziri Sergey Şoyqu Kreml sarayında Rusiya prezidenti Vladimir Putinə Rusiya ordusunun Ukraynaya hücumu barədə məruzə edərkən deyib.

Severodonetsk, Zolotoye, Qorskoye Volçeyarovka kimi böyük şəhərlər başda olmaqla 25 yaşayış məntəqəsinin nəzarətə götürüldüyünü qeyd edən Şoyqu, "Luqansk Xalq Respublikasının ən böyük şəhərlərindən biri olan Lisiçanskın azad edilməsi ilə dünən əməliyyat başa çatıb. Aktiv hücum əməliyyatlarında ümumilikdə 670 kvadrat kilometr ərazi nəzarətə götürülüb"- deyə qeyd edib.

Qeyd edək ki, Şoyqu Ukrayna silahlı qüvvələrindən 2218 nəfərin öldüyünü, 3251 nəfərin isə yaralandığını əlavə edib.

Şəbnəm Lətifi

Telegramda izləyin