"İran Rusiyanın hücumuna haqq qazandıran addımlardan çəkinməlidir" - Ukrayna XİN

Ukrayna Xarici İşlər Nazirliyi İranı Rusiyanın Ukraynaya təcavüzünü artıracaq hər hansı bəyanat və ya addımlardan çəkinməyə çağırıb.
Sonxeber.az xəbər verir ki, Ukrayna Xarici İşlər Nazirliyinin mətbuat katibi Oleq Nikolenko İran administrasiyasının "Rusiyanın Ukraynaya təcavüzünə dolayı yolla haqq qazandıran bəyanatlarını dəyərləndirib:

"Rusiya müharibəyə başlayandan İran açıq şəkildə neytrallığını bəyan edib. O, müharibəni atəşkəs və siyasi-diplomatik yolla həll etməyə çağırıb. Bu Ukrayna tərəfi İran administrasiyasının ritorikasının dəyişməsindən narahatdır".

O, bildirib ki, Rusiyanın təcavüzkar hərəkətlərinə göz yummaq Rusiyanı Ukrayna xalqına qarşı əsassız müharibəni davam etdirməyə təşviq etməklə yanaşı, həm də dünyanın digər bölgələrində sülh və təhlükəsizliyin pozulmasına zəmin yaradır.

"Ukraynanın Rusiyaya hücum hazırlaması ilə bağlı bütün ittihamlar əsassız və manipulyasiyadır. Biz İran tərəfini Rusiyanın Ukraynaya təcavüzünü artıracaq hər hansı bəyanat və ya addımdan çəkinməyə çağırırıq" ,- o əlavə edib.

Telegramda izləyin