"Hraparak": Laçın, Zabux və Laçın dəhlizinin təhvil verilməsi prosesi bu dəqiqə də davam edir

İyun ayı ərzində erməni cəmiyyətində böyük təlatüm var idi. Hamı Laçını "xilas edirdi". Çıxış edənlər, yüksək səviyyəli çıxışlar, "Facebook" statusları və narahatlıqlar az deyildi.
Sonxeber.az xəbər verir ki, bu barədə Ermənistanın "Hraparak" nəşri yazıb.

Nəşr bildirib ki, bütün çıxışlarda tarix olaraq 1 iyul qeyd olunurdu.

"İyulun 1-i gəldi getdi, "xilasedicilər"in ajiotajı da getdi, bəziləri gedib Laçında şəkil çəkdirdi, bəziləri Laçının təhvil verilməsini guya gecikdirdikləri ilə bağlı alovlu statuslar yazdı. Amma reallıq budur ki, Laçın, Zabux və Ermənistanı Qarabağa bağlayan yeganə yol olan Laçın dəhlizinin təhvil verilməsi prosesi bu dəqiqə də davam edir. Laçın dəhlizinin alternativ yolunun tikintisi davam edir, üstəlik, həmin yolun Ermənistan hissəsinin tikintisi üçün tender elan olunub. Ermənistan hakimiyyəti bəyan edir ki, Ermənistanı Qarabağa bağlayan, azərbaycanlılar tərəfindən çəkilən yeni yol müqabilində fəaliyyətdə olan yolun kənarında yerləşən Laçın, Zabux və Sus, yəni əslində Laçın dəhlizi Azərbaycana təhvil verilməlidir", - deyə müəllif vurğulayıb./Ordu

Telegramda izləyin