Ermənilərin təxribat törətməkdə məqsədi nədir?-AÇIQLAMA

Bildiyimiz kimi Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.Ermənistan silahlı qüvvələrinin diversiya qrupları sutkanın qaranlıq vaxtında ərazinin dağlıq relyefi və mövcud dərə boşluqlarını istifadə edərək müxtəlif istiqamətlərdə Azərbaycan Ordusunun bölmələrinin mövqeləri arasındakı əraziləri və təminat yollarının minalanmasını həyata keçirib.
Mövzu ilə bağlı Sonxeber.az-a hərbi ekspert Alp Arslan İmamquliyev açıqlama verib.

O bildirib ki, "Ermənistan Respublikasi" bu təxribatları ilə bir daha sübuta yetirdi ki, terror dövlətidir.

"Onun arxasında bir çox havadarlar var. Ermənistanın təməl məqsədi regionda və dünyada sülhün pozulması yönümlü öz fəaliyyətlərini sürdürsünlər. Bu gün Azərbaycan Silahlı Qüvvələri yetərincə qabiliyyətli və qüdrətlidir ki, ola biləcək hər bir təxribatın qarşısını alsın. Eləcə də dünən gecə düşmən tərəfindən törədilən növbəti terror da bunun sübutu idi. Bu cür terror davam edərsə, antiterror əməliyyatlarının keçirilməsi qaçılınmazdır".
AYSEL QULİYEVA

Telegramda izləyin