"NATO üzvlüyünə başqa vaxt baxılmalıdır, indi Ukraynaya müharibədə dəstək lazımdır" - ABŞ

ABŞ-ın milli təhlükəsizlik müşaviri Sullivan qeyd edib ki, Ukraynanın NATO-ya müraciətinə başqa vaxt baxılmalıdır və hazırda ən mühüm məsələ ona müharibədə dəstəkdir.

Ukrayna prezidenti Vladimir Zelenski deyib ki, onlar NATO-ya sürətli üzvlük üçün ərizə imzalayıblar.

Sonxeber.az xəbər verir ki, ABŞ-ın milli təhlükəsizlik müşaviri Ceyk Sullivan Ağ Evdə gündəlik mətbuat brifinqində Ukraynanın NATO-ya üzvlüyünün sürətləndirilməsi ilə bağlı müraciətini dəyərləndirib:

"ABŞ uzun illərdir ki, NATO-nun açıq qapı siyasətini dəstəkləyir. NATO-ya üzvlüklə bağlı qərar 30 müttəfiq və üzv olmaq istəyən ölkələr arasında verilir. Bu məsələyə toxunulmalıdır".

Sullivan həmçinin Rusiyanın Ukraynanın 4 bölgəsini ilhaq etməsini pisləyib və Ukraynaya yeni yardımın gələn həftə açıqlanacağını qeyd edib.

"Şimal axını 2" neft boru kəmərinə edilən hücumlara toxunan Sallivan bunun "açıq təxribat aktı" olduğunu bildirib.
"Rusiya öz günahında həmişə günahkardır, bu günahı başqalarının üzərinə qoyur. Biz bunu dəfələrlə görmüşük. Lakin "Şimal axını 2" ilə bağlı araşdırılması lazım olan bir çox məqamlar var: Biz fiziki sübutlar toplanana qədər bunun kimin məsuliyyət daşıdığını açıqlamayacağıq" ,- deyə müşavir əlavə edib.

Şəbnəm Lətifi

Telegramda izləyin