İrəvan ELAN ETDİ: Azərbaycanın ərazi bütövlüyünü tanımayacağıq - Müharibə ...

İrəvan ELAN ETDİ: Azərbaycanın ərazi bütövlüyünü tanımayacağıq - Müharibə ...Rəsmi Bakı Ermənistanla Azərbaycan arasında sülh danışıqlarına səylərini artırarkən İrəvan gah sərhəddə növbəti təxribatlar törədir, gah da destruktiv bəyanatlarla vəziyyəti gərgin saxlamaq planından əl çəkmək fikrində görünmür.

Amma Ermənistan törətdiyi təxribatlara Azərbaycandan aldığı cavablardan sonra başa düşməlidir ki, indi geosiyasi konfiqurasiyalar arasında manevr etməyin vaxtı deyil. İndi verilən sözlərə, edilən vədlərə, atılan imzalara əməl etməyin zamanıdır. Lakin təəssüflər olsun ki, Ermənistan hərbi-siyasi rəhbərliyi öz məqsədinə çatmaq üçün ordusunu qurban verməyə belə hazır olduğunu göstərir.

Biz biraz keçmişə, hətta onun siyasi fəaliyyətə başlamazdan öncəki mövqeyinə nəzər salsaq aydın görə bilərik ki, Nikol Paşinyan hər zaman Qərbi Ermənistana gətirərək, Ruisyanın orbitindən çıxmaqla bağlı məsələdə dəyişməz mövqe nümayiş etdirib. Əlbəttə ki, Rusiyadan xilas olmağın, qurtulmağın müxtəlif yolları var. Amma belə görünür ki, Paşinyan bunu regionu yeni bir müharibə meydanına çevirməklə reallaşdırmaq niyyətindədir.

Nəzərə alsaq ki, Rusiyanın Ukrayna ilə savaş meydanındakı durumu Moskva üçün ürəkaçan deyil, belə bir məqamdan istifadə edib Qərbin beynəlxalq ordu birliklərini bölgəyə gətirməklə məqsədinə nail olmaq istəyən Paşinyan başa düşməlidir ki, bu onunla yanaşı erməni xalqı üçün çox böyük faciə ilə nəticələnə bilər.

Görürük ki, sülh danışıqlarının yenidən bərpası istiqamətində Vaşinqtonun fəaliyyətinin artdığı bir vaxtda sərhəddə növbəti silahlanmalar, növbəti hərbi təxribatlar bir-birini əvəz etməkdədir. Aydın görünür ki, rəsmi İrəvan bu danışıqlarda iştirak etmək niyyətində deyil. Paşinyan bilir ki, bu danışıqlarda iştirak etməmək Ermənistanın imicinə, özünün isə tutduğu posta böyük zərbə ola bilər. Bu səbəbdən də Ermənistan rəhbərliyi 30 illik işğal dövründə olduğu kimi bu gün də danışıqların imitasiyası ilə məşğuldur.

Təbii ki, son təxribatlara Azərbaycanın tutarlı cavabının ardından ritorikalarında bir əsnək hiss edilən düşmənin rəhbərinin Paris səfəri və eləcə də Mensi Pelosinin İrəvan səfərinin ardınca daha da sürtətli xarakter alan İrəvan-Vaşinqton, İrəvan-Paris təmaslarından sonra Ermənistan hərbi-siyasi rəhbərliyinin sanki birdən-birə özgüvən qazanması istisna edilmir ki, indi ona havadarlıq eşqini daha açıq elan edən ABŞ və Fransa hökümətindən aldığı vədlərə bağlı məsələdir.

Paşinyan son parlament çıxışlarına nəzər salsaq bir məsələ diqqətdən yayına bilməz. Deməli, Ermənistan baş naziri son çıxışlarında Azərbaycandan çox Rusiyanın əleyhinə bəyanatlar səsləndirməklə məşğuldur. Sözsüz ki, bu da ilk növbədə Qərbdən ona verilən tapşırığın birinci hissəsidir. Ermənistan rəhbərliyi ona edilən sifarişi yerinə yetirərək Rusiyanı Qərbə dəyişmək üçün zəmin hazırlamağa can atır.

Paşinyan bu tapşırığı icra etdikdən sonra isə belə görünür ki, Qərb Ermənistana Azərbaycanla bağlı məsələdə dəstəyini ifadə edəcəyi ilə vədlər verib. Bunun üçün yenə də Qərbə, ABŞ-a Paşinyanın köməyi lazım olacaq. Biz indidən aydın görürük ki, Paşinyan hər vəchlə bölgənin Ukraynaya çevrilməsinə çalışır. Özünü təklənmiş, yazıq, təcavüzə məruz qalan tərəf kimi təqdim edərək beynəlxalq güclərin dəstəyii arxasına almağa nail olmaq istəyir.

Paşinyanın dünənki müsahibəsində hər hansı bir yeni bəyanatın şahidi olmadıq.

Paşinyan açıqlaması zamanı bildirib ki, nə Brüssel, nə Moskva, nə də Vaşinqton "Dağlıq Qarabağı" Ermənistanın bir hissəsi kimi tanımağa hazır deyil. Əslində onun bu açıqlamasına diqqət yetirsək görərik ki, rəsmi İrəvan prosesdən boyun qaçıraraq, "Artsax" iddiaları ilə bağlı məsuliyyətin altına girmədən danışıqlar prosesində iştirak edə biləcəyi anonsunu verir. Amma onun bu bəyanatı rəsmi Bakı üçün yaxşı heçnə vəd etmir.

Belə bir açıqlama etməklə Paşinyan onu deməyə çalışdı ki, biz "Dağlıq Qarabağ"a görə məsuliyyət daşımırıq, Azərbaycan söhbətini qondarma rejim nümayəndələri ilə davam etdirsin, bu məsələdə biz yoxuq. Beləcə Paşinyan çalışır ki, heç bir subyektivliyi olmayan bir qondarma rejim qalıqlarını da Azərbaycanla danışıqlarta cəlb edərək, rəsmi Bakının başını özünə qatsın.

Paşinyanın "Ermənistan sülh müqaviləsində Qarabağla bağlı müzakirə aparmayacaq, Qarabağla bağlı iddialarla çıxış etməyəcək" sözlərindən bu da anlaşılır ki, sözügedən məsələ ilə bağlı artıq Paris və Vaşinqton İrəvanla müəyyən plan tərtib ediblər və bu plan əsasında paralel olaraq regiondakı proseslərə müdaxilə etmək imkanlarını artırmaq məqsədilə irəliləməyi düşünürlər.

Belə nəticə çıxır ki, nəyinki rəsmi irəvan, hətta Paris və Vaşinqton da Qarabağın dağlıq hissəsində Rusiya sülhməramlı qüvvələrinin müvəqqəti nəzarət zonasında ermənilərin yaşadığı həmin əraziləri Azərbaycanın suiveren ərazisi kimi tanımaq niyyətində deyillər. Bunu hazırda Pşainyanın dünənki açıqlamasına əsasən belə deyə bilərik.

Bu isə Azərbaycanın ərazi bütövlüyünə, onun suverenliyinə qarşı hesablanmış təhdid xarakterli, müharibəyə dəvət bəyanatından başqa bir şey deyil. Çünki bu açıqlamanın açması o deməkdir ki, biz Azərbaycanın ərazi bütövlüyünü tanımayacağıq!

Paşinyanın bu tip açıqlamaları eyni zamanda yeni müharibəni labüd, qaçılmaz edir. Belə nəticə çıxır ki, Ermənistan tərəfi nə Zəngəzur dəhlizi ilə bağlı, nə də sülhə aparan yolda əsas amil olan ərazi bütövlüyünün tanınması, delimitasiya-demarkasiya məsələlərində cığallıq etməkdə davam edəcək.

Belə bir məqamda qondarma qurumun "xarici işlər naziri" David Babayanın ABŞ-a rəsmi səfərə dəvət edilməsi, onun orada dövlət rəsmiləri ilə görüşlərinin (Amerika Konqresində, Los Anceles Şəhər Şurasının iclasında çıxış edib) davam etməsi bu iddiaların həqiqəti əks etdirdiyini deyə bilərik.

Son proseslər, qarşı tərəfdən sələndirilən fikirlər deməyə əsas yaradır ki, Nikol Paşinyanın və komandasının 44 günlük müharibədən sonra Azərbaycanla Ermənistan arasında sülh istiqmətində gələcəyə ümid verən addımları, açıqlamaları sadəcə blef olub. Hadisələrin bu cür cərəyan etməsi isə Ermənistanın elan etdiyi yeni hərbi müharibənin (Ermənistan Azərbaycan ordusunu sərhəddə əvvəlki mövqelərə qaytarmaq üçün hücuma hazırlaşır. Bunu baş qərargah rəisinin müavini, general-mayor Arakel Martikian jurnalistlərin "hansı cavab addımları atılacaq" sualını cavablandırarkən, rəsmi şəkildə açıqlayıb. "Əraziləri bərpa etmək üçün əmr almışıq, əmri yerinə yetirmək borcumuzdur" deyib) qapıda olduğunu təsdiq edir./Milli


Sonxeber.az Telegramda izləyin instagramda izləyin
Siyasət   Baxılıb: 14039   Tarix: 01 oktyabr 2022  

Şikayətiniz varsa Whatsapp: 051 7028255

Facebookda Paylaş


DİGƏR MARAQLI XƏBƏRLƏR

Heydər Əliyevin ideyaları əsasında inkişaf edən müstəqil Azərbaycan

Müasir Azərbaycan dövlətinin tarixin səhnəsində özünəməxsus yer tutmasını, gerçək müstəqilliyini əldə edərək qoruyub saxlamasını təmin edən dahi şəxsiyyət, əbədiyaşar lider, Ulu Öndər Heydər Əliyev olmuşdur. İctimai-siyasi sabitliyin qorunmasının, mövcud iqtisadi inkişafın, hərtərəfli tərəqqinin təməlind

9 dekabr 2022

"8 Noyabr şanlı tariximizə Qarabağa qayıdış günü kimi yazılacaq" - Məlahət İbrahimqızı

8 Noyabr 2020-ci il tarixində Azərbaycan ordusu Şuşanı işğaldan azad edərək Vətən müharibəsini zəfərlə yekunlaşdırdı. Bununla bağlı -a açıqlama verən Milli Məclisin deputatı Məlahət İbrahimqızı bildirib ki, bu gün hər zaman minnətdarlıqla yad etdiyimiz şəhidlərimizin ruhunun şad olduğu gündür:. "B

9 noyabr 2022

"Bizim beynəlxalq siyasətimiz Azərbaycanın milli maraqlarına uyğun bir siyasətdir"- DEPUTAT

"Müzəffər Ali Baş Komandanın rəhbərliyi ilə 44 günlük Vətən müharibəsi yalnız döyüş meydanında getmədi. Bu müddət ərzində Prezident İlham Əliyev diplomatiya cəbhəsində də mübarizə apardı, ölkəmizə olan təzyiqlərə, təsirlərə qarşı özünün siyasi iradəsini, əzmkarlığını nümayiş etdirdi. Qarabağ münaqişəsini

7 noyabr 2022

"Ermənistanın eks-prezidentləri açıqlamaları ilə həqiqətləri etiraf etdilər"

Əslində, Levon Ter-Petrosyan və Robert Koçaryanın açıqlamaları bir həqiqəti üzə çıxarır. Onlar Ermənistanın həddindən artıq çətin duruma düşdüyünün fərqindədirlər. Başa düşürlər ki, Ermənistan Fransa, ABŞ və digər ölkələrə arxayın olub növbəti təxribatlara cəhd edəcəksə, daha ağır reallıqla üzləşəcək

1 oktyabr 2022

Prezident: "Azərbaycan bu gün Avropanın etibarlı qaz təchizatçısına çevrilib"

"Azərbaycan qazı artıq iki ildir ki, Avropaya ixrac olunur, indi isə Bolqarıstana ixrac ediləcək". AZƏRTAC xəbər verir ki, bunu Azərbaycan Prezidenti İlham Əliyev Sofiya şəhərində Yunanıstan-Bolqarıstan Qaz İnterkonnektorunun (IGB) açılış mərasimində çıxış edərkən deyib. "Azərbaycan b

1 oktyabr 2022

Azərbaycan Prezidenti: "Biz Avropaya qaz ixracını iki dəfə artırmağı planlaşdırırıq"

"Azərbaycan və Avropa İttifaqı arasında enerji sahəsində imzalanmış Memoranduma əsasən biz Avropaya qaz ixracını iki dəfə artırmağı planlaşdırırıq". AZƏRTAC xəbər verir ki, bu barədə Azərbaycan Prezidenti İlham Əliyev Sofiya şəhərində Yunanıstan-Bolqarıstan Qaz İnterkonnektorunun (IGB) açılı

1 oktyabr 2022

"NATO üzvlüyünə başqa vaxt baxılmalıdır, indi Ukraynaya müharibədə dəstək lazımdır" - ABŞ

ABŞ-ın milli təhlükəsizlik müşaviri Sullivan qeyd edib ki, Ukraynanın NATO-ya müraciətinə başqa vaxt baxılmalıdır və hazırda ən mühüm məsələ ona müharibədə dəstəkdir. Ukrayna prezidenti Vladimir Zelenski deyib ki, onlar NATO-ya sürətli üzvlük üçün ərizə imzalayıblar. xəbər verir ki, ABŞ-ın milli təhlükəsizli

1 oktyabr 2022

İlham Əliyev: "Azad edilən ərazilərdə Çin şirkətləri ilə birgə fəaliyyətimizin genişlənməsində maraqlıyıq"

"Biz işğaldan azad edilmiş ərazilərimizdə aparılan yenidənqurma və bərpa işlərində Çin şirkətləri ilə birgə fəaliyyətimizin genişlənməsində maraqlıyıq". Bu fikir Prezident İlham Əliyevin Çin Xalq Respublikasının Sədri Si Cinpinə ünvanladığı təbrik məktubunda yer alıb. Dövlət başçısı iki ölkəni

1 oktyabr 2022

Prezident: "Biz tarixi ənənələrə əsaslanan Azərbaycan-Çin əlaqələrinə xüsusi əhəmiyyət veririk"

"Biz tarixi ənənələrə əsaslanan Azərbaycan-Çin əlaqələrinə xüsusi əhəmiyyət veririk". Bu fikir Prezident İlham Əliyevin Çin Xalq Respublikasının Sədri Si Cinpinə ünvanladığı təbrik məktubunda yer alıb. "Məmnunluqla qeyd etmək istəyirəm ki, diplomatik münasibətlərimizin qurulduğu otuz ild

1 oktyabr 2022

vipemlak.az