"Əgər taksi şirkəti vergi vermirsə, onun xarici ya yerli olmağının fərqi yoxdur" - Aslan Əsədov

"Şəhər nəqliyyatının prespektivli və gəlirli sahələrindən bir taksi fəaliyyətidir. Çünki əhali arasında taksilərə maraq artıb. Bunun başlıca səbəbi tıxac, digər səbəbi isə qiymətlərin əlçatan və münasib olmasıdır. Bəzi obyektiv səbəblər var ki, sərnişinlər bundan narazıdır. Bu da şirkət rəhbərlərinin sərəncamında olan sürücülərə daimi nəzarət edə bilməməsidir. Avtomobillərə nəzarət yerindədir, onlara CPS və müəyyən texniki vasitələr qoşmaqla onların məkanlarına baxa bilirlər, amma sürücünün öz vəziyyəti ilə maraqlanmırlar".

Bu sözləri Sonxeber.az-a nəqliyyat üzrə ekspert Aslan Əsədov deyib.

O bildirib ki, sosial şəbəkələrdə hətta sürücülərin psikotrop madde təsiri altında, sərxoş halda videolarına rast gəlmək olur.
"Ümumiyyətlə sürücülər və sərnişinlər arasında münasibət nə qədər az olarsa, onların arasında problemə az rast gəlinə bilər. Şirkətlərin yerli və ya xarici olmaq məsələsinə gəldikdə isə, əgər şirkət vergi vermirsə, onun xarici ya yerli olmağının fərqi yoxdur. Amma dövlətə və insanlara xidmət edən türk ya rus şirkəti varsa, qlobal bir şirkətdirsə, onun fəaliyyət göstərməyində problem yoxdur. Taksi fəaliyyəti sərnişinlərin pik saatlarda daşınmasına əsaslı nəzarət olmalıdır. Bununla bağlı xüsusi meyar olmalıdır. Əks halda insanlarda tıxac və digər səbəblərə qarşı narahatlıq,aqressiya,əsəb, sinir xəstəlikləri yaranıb, onlara xoş təsir etməyəcək".
AYSEL QULİYEVA

Telegramda izləyin