""ABŞ və Böyük Britaniya güclü müttəfiqlər və əsl dostlardır" - Bayden

ABŞ prezidenti Cozef Bayden Britaniya baş naziri Trasın vəzifədən getməsinə baxmayaraq, ABŞ-Britaniya əməkdaşlığının davam etdiriləcəyini deyib.

Sonxeber.az New York Times-a istinadən xəbər verir ki, Bayden onun vəzifədən getməsini düzgün hesab edib-etməməsi sualına cavab verməyib.

"İstefasının düzgün addım olub-olmadığına qərar vermək onun ixtiyarındadır. O, ABŞ-ın Ukrayna üzrə böyük tərəfdaşı idi", - Bayden deyib.

Bayden həmçinin əlavə edib ki, onun istefası iki dövlət arasında münasibətlərə təsir etməməlidir.

"ABŞ və Böyük Britaniya güclü müttəfiqlər və əsl dostlardır. Bu heç vaxt dəyişməyəcək. Baş nazir Liz Trasa bir sıra məsələlərdə tərəfdaşlığına görə təşəkkür edirəm. Ölkələrimizin üzləşdiyi çətinliklər qlobal problemləri həll etmək üçün birlikdə işləyərkən Böyük Britaniya hökuməti ilə sıx əməkdaşlığımızı davam etdirəcəyik", - deyə prezident əlavə edib.

Şəbnəm Lətifi

Telegramda izləyin