"Şuşada Azərbaycan Konsulluğunun açılması Türkiyə və Azərbaycan ittifaqı baxımından çox önəmlidir" - Politoloqdan AÇIQLAMA

"Zəngilan və digər hava limanlarının açılması ilə Şuşanın turizmə yolu açılır".

Bunu Türkiyə Prezidenti Rəcəb Tayyib Ərdoğan Azərbaycandan qayıdarkən təyyarədə jurnalistlərə açıqlamasında deyib.

"Hazırda burada yolların infrastrukturu tamamlanmaq üzrədir. İlham Əliyev dedi ki, gələn il bura çox ciddi vəsait ayıracaqlar. Türkiyəli podratçılarımız da deyirlər ki, planlar reallaşsa, 1-1,5 ilə burada işləri tamamlayacağıq", - deyə o qeyd edib.

Mövzu ilə bağlı Sonxeber.az-a politoloq Elxan Şahinoğlu açıqlama verib.

O bildirib ki, Şuşada Azərbaycan Konsulluğunun açılması Türkiyə və Azərbaycan ittifaqı baxımından çox önəmlidir.
"Şuşa yenidən bərpa olunur, Qarabağ yenidən qurulur. Burada Türkiyə şirkətlərinin də böyük payı var. Bunu dünən Zəngilan Beynəlxalq Hava Limanının açılışında Prezidentlər vurğuladı. Şuşada Konsulluğun açılması hərbi-siyasi nöqteyi-nəzərdən Azərbaycan üçün vacibdir ,çünki Şuşa Qarabağın mərkəzidir. Ermənistan və İrandan müəyyən təhlükələr yenə gündəmdədir. Türkiyənin bölgədə diplomatik varlığı olmalıdır ki, düşmən ölkələr Azərbaycana təzyiq etməkdən çəkinsinlər. İlham Əliyev dünən onu da bildirdi ki, Türkiyə-Azərbaycan İttifaqı ona görə önəmlidir ki, Azərbaycanı təkləmək istəyən dövlətlər qarşısında Türkiyə-Azərbaycan ittifaqını da görəcək".
AYSEL QULİYEVA

Telegramda izləyin