Ququş iranlı qadınları etirazı davam etdirməyə çağırıb

ABŞ-da fəaliyyət göstərən iranlı müğənni Ququş ölkəsində gedən hicab etirazlarına öz dəstəyini bildirib.

Sonxeber.az CNN-ə istinadən xəbər verir ki, o, iranlı qadınları etirazları davam etdirməyə çağırıb.

"Ölkədəki qadınlarıma demək istəyirəm ki, ümidsiz olmayın. Bu yolu davam etdirin. Şübhəsiz ki, uğur qazanacaqsınız" ,- deyə sənətçi qeyd edib.

O həmçinin 1979-cu ildə İran İslam İnqilabından sonra həyat və karyerasında necə əziyyət çəkdiyindən danışıb:
"Bu, İrandakı bütün qadın müğənnilər üçün çox ağrılı idi. Onların hamısı mənimlə eyni aqibəti yaşadı. Onlara mahnı oxumaq qadağan edildi".

Qeyd edək ki, Məhsa Əmini hicabı düzgün bağlamadığına görə əxlaq polisi tərəfindən döyülüb vəfat etdikdən sonra İranda qadınlar məcburi hicab geyinməyə görə etiraz aksiyaları keçirirlər.

Şəbnəm Lətifi

Telegramda izləyin