"İranın Azərbaycanla sərhəddə keçirdiyi təlimlər İsrailə həlledici cavab oldu" - İranlı deputat

"İran İnqilabı Keşikçiləri Korpusunun Azərbaycanla sərhəddə keçirdiyi təlimlər İsrailə "həlledici cavab" oldu".

Bunu İRNA-ya müsahibəsində iranlı deputat Məhəmməd Səfai deyib. O bildirib ki, Azərbaycanla sərhəddə SEPAH-ın keçirdiyi hərbi təlimlər İsrailə İranın "həlledici cavabı"dır.

Onun sözlərinə görə, SEPAH-ın təlimləri İsrailin Azərbaycan və Mərkəzi Asiyadakı təsirinə, eləcə də İrana qarşı hansısa "hiylə" planlarına cavab idi.

Səfai İsrailin Azərbaycanda "mövcudluğu"na toxunaraq deyib: "Sionistlər bununla İslam Respublikasının Mərkəzi Asiyadakı təsirini zəiflətməyə çalışırlar. Amma heç vaxt uğur qazana bilməyəcəklər".

O vurğulayıb ki, İran Cənubi Qafqaz regionunda beynəlxalq sərhədlərdə hər hansı dəyişikliklərə razı olmayacaq.

"Sərhədlərin dəyişdirilməsi İslam Respublikasının maraqlarına ziddir. Ona görə də İran bu dəyişikliyin qəti əleyhinədir. Bu təlimlərin bədxahlara mesajı budur ki, İslam Respublikasının mənafeyinə xələl gətirən istənilən hərəkət düşmənlərə baha başa gələcək"./Konkret

Telegramda izləyin