"Zəng edib dedim ki, məndə şəkillərin var" - Tariyel Qurbanovu şantaj edənlər danışdı

"Zəng edib dedim ki, məndə şəkillərin var" - Tariyel Qurbanovu şantaj edənlər danışdıTanınmış prokuror Tariyel Qurbanovu şantaj edərək pul almaqda ittiham olunan hamam işçisi və digər şəxslərin məhkəməsi davam etdirilir.

"Qafqazinfo" xəbər verir ki, bu gün Bakı Ağır Cinayətlər Məhkəməsində hakim Azər Paşayevin sədrliyi ilə baş tutan prosesdə kisəçinin qardaşı, şantaj yolu ilə prokurordan pulların alınmasında iştirak edən İlqar Əliyev ifadə verib. O bildirib ki, Tariyel Qurbanovu tanısa da, onu heç vaxt şantaj etməyib:

"Mən ümumiyyətlə, rayonda yaşamışam. Bakıya aradabir gəlib-gedirdim. Qardaşım deyirdi, Tariyel müəllim zəng edib sənə pul verəcək, get onu götür, mən də mesaj yazıb dəqiqləşmə aparıb pulu götürürdüm. Bir neçə dəfə isə kartıma pul köçürülüb. İttihamda deyildiyi kimi, mən Tariyel müəllimdən 5 min manat filan almamışam, o pulu mənə qardaşım maşın almaq üçün verib. Mən bilmirəm qardaşım pulu hardan əldə edib. Amma deyirdi ki, Tariyel müəllim ona köməklik edir.

Bir neçə dəfə isə mən polisə düşəndə Tariyel Qurbanov zəng edib məni bölmədən çıxartdırıb. Qardaşımın hansı hamamda nə işlədiyindən xəbərim yox idi. Sonuncu dəfə Tariyel Qurbanov mənə dedi ki, qardaşıma deyim ki, onu narahat etməsin. Mən də bunu qardaşıma çatdırdım.

Daha sonra digər təqsirləndirilən Natiq Nuriyev ifadə verib. İttihama görə, N.Nuriyev Tariyel Qurbanovdan üç dəfəyə 29 min manat pul alıb. O, cinayət əməlini qismən etiraf edib:

"Ümman Əliyev dostum olub. Bir dəfə ehtiyacım olanda Ümman mənə 2 min manat verdi. Dedi ki, şəxsi biznesim var, oradan qazanıram. Ümmanın Tariyel Qurbanovla tanışlığından məlumatım var idi. Bir dəfə gördüm ki, Ümman zəng edib Tariyel Qurbanovdan pul tələb edir. Mən də onun telefonundan Tariyel müəllimin nömrəsini götürdüm. Başladım şantaj eləməyə. Dedim ki, Ümmanın telefonu məndədir. Sənə aid şəkillər var, pul istədim. Bəli, mən Tariyel müəllimə hədə-qorxu gələrək pul istəmişəm. Lakin əlimdə ona aid heç bir rüsvayedici foto olmayıb. Bir dəfə mənə 1800 manat, sonra 8 min göndərib. Amma o pul mənə çatmayıb. Guya o pulu 4 nəfər arasında böləcəkdik. Yenə 4 min istəyəndə dedi ki, sizi tutduracam. İstintaqdakı ifadələrimi isə təsdiq etmirəm. Onu təzyiq altında vermişəm".

Proses noyabrın 11-də davam etdiriləcək.

İstintaq tərəfindən Ümman Əliyev, Natiq Nuriyev, Pərvin Yusifov, İlqar Əliyev, Ələkbər Nuriyev, Elnur Eldarov və Sahilə Məmmədovanın barəsində Cinayət Məcəlləsinin 182.2.1 (hədə-qorxu ilə tələb etmə, qabaqcadan əlbir olan bir qrup şəxs tərəfindən törədildikdə) maddəsi ilə ittiham elan edilib. Belə ki, dəstə üzvləri Tariyel Qurbanovun hamamda çəkilmiş fotolarını ona göndəriblər və pul verməsini tələb ediblər. Əks halda, həmin fotoları sosial şəbəkələrdə yaymaqla hədələyiblər.

Məşhur prokuroru əsas şantaj edən şəxsin Ümman Əliyev olduğu bildirilir. İddialara görə, o, hamamda kisəçi-ofisiant işləyib. Tariyel Qurbanov isə həmin hamamın daimi müştərisi kimi Ümmanla orada tanış olub. Ü.Əliyevin ibtidai istintaqa verdiyi ifadə elan olunarkən göstərilib ki, Tariyel Qurbanovla əlaqə saxlayaraq onda fotoları olduğunu deyib və pul tələb edib. İstintaqda verdiyi ifadəsinə görə, Ümman Əliyev Tariyel Qurbanovdan 63 min manatdan çox pul alıb.

Qeyd edək ki, T.Qurbanov hazırda Abşeron rayon prokurorunun böyük köməkçisidir. O, sözügedən hadisə baş verərkən Baş Prokurorluğun Dövlət təhlükəsizliyi, fövqəladə hallar və sərhəd xidməti orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəis müavini olub.

Xatırladaq ki, Tariyel Qurbanov Dini Qurumlarla İş üzrə Dövlət Komitəsinin sədri Mübariz Qurbanlının qardaşıdır.


Sonxeber.az
Telegramda izləyin
Kriminal   Baxılıb: 3044   Tarix: 28 oktyabr 2022  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Traktorla 13 yaşlı velosipedçini vurub öldürdü

Neftçala rayonunda ölümlə nəticələnən yol-nəqliyyat hadisəsi baş verib. "Qafqazinfo" xəbər verir ki, hadisə oktyabrın 22-si Neftçala-Salyan avtomobil yolunun rayonun Həsənabad qəsəbəsindən keçən hissəsində qeydə alınıb. Həsənov Fərhad Kamil oğlu idarə etdiyi traktorla velosipedlə hərəkətd

23 oktyabr
.

Toyda qohumlar dalaşdı, xəsarət alan var

Biləsuvar rayonunda bıçaqlanma hadisəsi baş verib. "Qafqazinfo" xəbər verir ki, hadisə rayon mərkəzində yerləşən şadlıq saraylarının birində qeydə alınıb. Belə ki, qohumlar arasında qanla nəticələnən mübahisə yaranıb. Hadisə zamanı 1977-ci il təvəllüdlü Vəliyev Eldar Cəfər oğlu bıçaqlanıb

12 oktyabr
.

Fatimənin bıçaqlanma anı - Əvvəldən təhdid mesajları yazıbmış-Yenilənib

Dünən saat 21 radələrində Xəzər rayonu Binə qəsəbəsində 24 yaşlı Fatimə Rəhmanzadənin küçədə qətlə yetirilməsinin görüntüləri yayılıb. "Qafqazinfo" xəbər verir ki, hadisə anını vətəndaşlardan biri avtobusun pəncərəsindən lentə alıb. Görüntülərdən məlum olur ki, Binənin Ə.İsazadə küçəsindək

7 oktyabr
.

Ötən gün qəzada yaralanan sürücü vəfat etdi

Ötən gün Xəzər rayonunda baş verən qəzada yaralanan sürücü vəfat edib. "Qafqazinfo" xəbər verir ki, hadisə Şüvəlan qəsəbəsində qeydə alınıb. Belə ki, Elmar Hüseynovun idarə etdiyi "Daewoo" markalı avtobus Elçin Qədimovun idarə etdiyi "Lada Granta" markalı avtomobillə toqquşub

8 oktyabr
.

Bakıda məktəbli qətlə yetirildi - Sinif yoldaşı saxlanıldı - Yenilənib

Bakının Nizami rayonunda məktəbli bıçaqlanıb. "Report"a istinadən xəbər verir ki, hadisə nəticəsində xəsarət alan şagird ölüb. Qətli törətməkdə şübhəli bilinən yeniyetmə polis əməkdaşları tərəfindən müəyyən edilərək saxlanılıb. Faktla bağlı cinayət işi açılıb, araşdırma aparılır. *. -ın məlumatın

5 oktyabr
.

Novruz bayramı günü bibisi oğlunu öldürənə - 14 il həbs verildi

Bu ilin mart ayında bibisi oğlu 1976-cı il təvəllüdlü Rövşən Abdullayevi bıçaqlayaraq öldürən Rizvan Söhbətova hökm oxunub. "Qafqazinfo" xəbər verir ki, Lənkəran Ağır Cinayətlər Məhkəməsi onu Cinayət Məcəlləsinin 120.1 və 228.5-ci maddələri ilə təqsirli bilib. Araşdırmalar zamanı məlum olu

19 oktyabr
.

Generalın qızı məhkəməyə gətirildi - Halı pisləşdi

General-mayor Natiq Əliyevin qızı Türkər Əliyeva artıq Sumqayıt Şəhər Məhkəməsinə gətirilib. "Unikal"a istinadən xəbər verir ki, Türkər Əliyeva halı pisləşdiyindən təcili yardım çağırılıb. Yaxın dəqiqələrdə Türkər Əliyevanın hakim qarşısına çıxarılması gözlənilir. Ona qarşı Cinayət Məcəlləsini

12 noyabr
.

10 milyonluq qızılla tutulan polkovnikin cəzası azaldıldı

İstanbul Hava Limanında 70 kiloqram qaçaqmal qızılla tutulan polkovnik-leytenant Qəhrəman Məmmədovun hökmündən verilmiş apellyasiya şikayətinə baxılıb. "Qafqazinfo"nun əldə etdiyi məlumata görə, Bakı Apellyasiya Məhkəməsi məhkumun bəraət tələbini əsaslı hesab etməyib. Amma Bakı Hərbi Məhkəməsini

11 noyabr
.

Qəzada ağır yaralanan sürücü xəstəxanada öldü

Paytaxtın Heydər Əliyev prospektində ölümlə nəticələnən yol qəzası baş verib. "Qafqazinfo" xəbər verir ki, oktyabrın 28-i saat 21 radələrində Nəcəfzadə Bahəddin Əfqan oğlunun idarə etdiyi "Lada Granta" markalı avtomobil prospektin "Koroğlu" metro stansiyası istiqamətind

30 oktyabr