Rusiya İstanbulda imzalanan sazişdən niyə çıxdı?

Xəbər verdiyimiz kimi, Rusiya Müdafiə Nazirliyi bu ölkənin taxıl sazişində iştirakını dayandırdığını açıqlayıb.
Nazirlik Ukrayna Silahlı Qüvvələrinin 9 pilotsuz uçuş aparatı və 7 avtonom dəniz pilotsuz uçan aparatından istifadə edərək, Qara dəniz donanmasının gəmilərini və Sevastopoldakı mülki gəmiləri bombaladığını iddia edib.
Rusiya sözügedən gəmilərin Ukrayna limanlarından kənd təsərrüfatı məhsullarının ixracı üzrə beynəlxalq təşəbbüs çərçivəsində taxıl dəhlizinin təhlükəsizliyinin təmin edilməsinə cəlb olunduğunu açıqlayıb.
Qeyd olunub ki, buna cavab olaraq Rusiya Müdafiə Nazirliyi Moskvanın taxıl müqaviləsində iştirakını dayandırdığını açıqlayıb.
Rusiya Xarici İşlər Nazirliyi də, Moskvanın oktyabrın 29-dan etibarən sazişin icrasını qeyri-müəyyən müddətə dayandırdığını bəyan edib.
Rusiya Qara dəniz donanmasının gəmilərinə hücumla bağlı oktyabrın 31-də BMT Təhlükəsizlik Şurasının iclasının keçirilməsini istəyib .
Qeyd edək ki, iyulun 22-də İstanbulda dünya bazarlarına ərzaq və gübrə tədarükü probleminin həlli üçün sənədlər paketi imzalanıb. Birinci sənəd Kiyevin nəzarətində olan Qara dəniz limanlarından taxıl ixracı mexanizmini nəzərdə tuturdu./Yeniavaz

Telegramda izləyin