"Valideynin doyuzdura bilmədiyi uşağı nə bağça, nə məktəb doyuzdura bilər" - Psixoloq

İstiqamət: Uşaq və gənclərin fiziki və mənəvi inkişafı

Uşaqları şəxsiyyət kimi formalaşdırmaq çox mürəkkəb prosesdir.Son vaxtlar məktəblilər arasında şiddət, zorakılıq görüntülərinin yayıldığını nəzərə alsaq, hər valideynin uşağın mənəvi inkişafını təmin etmədiyini görürük.
Psixoloq Leyla Fətəli Sonxeber.az-a bildirib ki, uşağın şəxsiyyətini formalaşdırmaq üçün ona fərd kimi baxmaq lazımdır. "Sən bilməzsən, sən bacarmazsan" , "sən sus" kimi sözlər uşaqların özgüvənini yıxır:
"Bir uşağın mənəvi inkişafı ilkin etapda valideyndən asılıdır. Valideynin doyuzdura bilmədiyi uşağı nə bağça, nə məktəb doyuzdura bilər. Uşağın şəxsiyyətini formalaşdırmaq üçün ona fərd kimi baxmaq lazımdır. Onu susdurmaq, "sən bilməzsən, sən bacarmazsan" , "sən sus" kimi sözlər istər 2 yaşında, istər 9 yaşında uşağa doğru yanaşma tərzi deyil.
Əgər valideyn uşağı maraqlandıracaq hər mövzuda, nə geymək istədiyini, hansı köynəyi almaq istədiyini, bu gün nə yemək istədiyini seçim olaraq ona buraxarsa, (təbii ki, bu da qədərində olmalıdır) "mən sənə bunu almaq istəyirəm, sən də bəyənirsənmi?" deyə soruşsa, uşaqda həm özgüvən formalaşar, həm şəxsiyyət olaraq nəyi harada necə etməli olduğunu bilər".

Psixoloq həmçinin qeyd edib ki, ailə münaqişələri uşağın şəxsiyyətinə mənfi təsir edir:

"Ailə münaqişlərinin uşağın gözü önündə olması onların bütün özgüvənini yıxır. Valideynlər bir-birinə qışqırıb, vurub uşağa "sən qardaşını vurma" deyə bilməz. Yəni uşaqlar əsasən gözləri ilə gördüklərini deyil, daha çox qulaqları ilə eşitdiklərini nümayiş etdirirlər".

Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin