Uşaqlarla rəftarda bu səhvləri etməyin - Psixoloq MƏSLƏHƏTİ

Uşaqlar bizim gələcəyimizdir. Gələcəyimizi əmin əllərə vermek borcumuzdur, insanlıq vezifəmizdir. Hər bir valideyn cəmiyyətə gözəl bir insn təhvil vermək istəyir, lkin bəzən bu niyyətlə zahirdə düz görsənən səhv addımlar atır.

Bununla bağlı BiG.AZ-a danışan psixoloq Mehin Qasımova valideynlərə diqqətli olmağı məsləhət görüb.

O, istəmədən övlalarımıza vura biləcəyimiz mənəvi zərbələr barədə bunları deyib:

"Təəsüf ki, bəzən istəməyərəkdən övladlarımıza ən böyük zərbəni vururuq. Övladımızı özümüzün dərd ortağı bilirik, dərdlərimizi onlara yükləyirik. Yəni bizə elə gelir ki, dərdimizi bölüşürük, əslində isə onlari yük altında qoyuruq.

Yaxud övladlarımızı qorumaq üçün insanları pisləyirik, cəmiyyəti pisləyirik. Sonda isə körpə, məsum uşaqlar həyatın qəddar insanına çevrilirlər.

Çox zaman övladlarımız üçün etdiklərimizi her dəfə dilə gətirərək onları borc altında qoyuruq.

Həyatda insan sehv edərək böyüyür, həyatı dərk edir. Biz isə övladımızın bir səhvini böyüdüb hər dəfə üzünə vururuq. Nəticədə uşaqlarımızla olan bağımız qopur.

Biz hər zaman onlara sevgi göstərməliyik. Bu, balalarımıza verə biləcəyimiz ən böyük hədiyyədir.

Biz övladımızı rəğbətləndirməliyik, onu hər şeyin öhdəsindən gələcəyinə inandırmalıyıq. Məhz bu zaman güclü, özgüvənli, özünə və cəmiyyətə faydalı bir şəxsiyyət kimi formalaşmasına zəmin yaratmış olarıq".

Telegramda izləyin