Ukrayna elektrik enerjisinə tələbatın ancaq yarısını ödəyə bilir

Ukraynanın milli enerji şirkəti "Ukrenerqo" Rusiyanın bu həftəki intensiv raket hücumlarından sonra ölkənin elektrik enerjisinə olan ehtiyacının yalnız 50 faizinin ödənilə biləcəyini açıqlayıb.
Sonxeber.az xəbər verir ki, ölkənin kommunikasiya xətlərinin operatoru olan şirkətdən verilən açıqlamada, hücumlar nəticəsində zədələnmiş əsas infrastruktur obyektlərində təmir işlərinə üstünlük verildiyi bildirilib.

Ukrayna prezidenti Vladimir Zelenski də Rusiyanın işğalından sonra enerji təchizatı baxımından ən çətin dövrü yaşadıqlarını bildirib.

Zelenskiy paytaxt Kiyev də daxil olmaqla 15 regionda içməli su çatışmazlığının olduğunu açıqlayıb.

"Rus əsgərləri necə döyüşməyi bilmirlər. Onların hələ də edə biləcəyi yeganə şey terror etməkdir. Enerji terroru, artilleriya terroru və ya raket terroru. Rusiya indiki liderlərinin dövründə çox aşağı düşüb" ,- deyə Zelenski qeyd edib.

Zelenskinin həyat yoldaşı Olena Zelenska da Ukrayna xalqının "enerji qıtlığına tab gətirməyə hazır olduğunu" deyib.

Şəbnəm Lətifi

Telegramda izləyin