"Növbəti cümə bəlkə Mədəniyyət Nazirliyi estafeti qəbul etsin..."

Xaricdə etsəydilər dərhal hamı ƏLA deyəcəkdi. Niyə özümüzdə olan nümunəvi hərəkəti dəstəkləməyək? Nazirdən başlayaraq sıravi əməkdaşa qədər - Gənclər və İdman Nazirliyinin bütün kollektivi bu gün işə avtomobilsiz gəlib. Bildiyim qədər bəziləri ictimai nəqliyyatdan istifadə edib, yaxınlıqda yaşayanlar piyada gəzərək işə çatıb.
Dostlar bilir, son illər çox yerə əksər hallarda piyada gedirəm. Dəyərli Elnur Əşrəfoğlu hər zaman buna görə əsəbləşirdi, axı görüşə gecikirdim. Piyada gəzmək əla təşəbbüsdür. Təsəvvür edin: hər həftənin beşinci günü rəsmilər, tanınmışlar piyada müəyyən məsafəni qət edərsə maraqlı layihəni reallaşdırmaq olar. Bu təşəbbüsün digər nazirliklər, federasiyalar, olimpiya və dünya çempionları tərəfindən davam etdirilməsini istərdim. Növbəti cümə bəlkə Mədəniyyət Nazirliyi estafeti qəbul etsin...

Jurnalist, idman şərhçisi Sənan Şəfizadə

Telegramda izləyin