Kamil Zeynallını yeni fitness zalının açılışında kim döydü? – VİDEO, FOTOLAR

Tanınmış idmançı, peşəkar məşqçi Kamil Zeynallı yeni idman zalını istifadəyə verib. Açılışda idmançının şou-biznesdən olan dostları, millət vəkilləri, idmançılar və digər qonaqlar iştirak ediblər. Ayrı-ayrı qadın və kişi zalları ilə tanış olan qonaqlar yaradılmış şəraiti yüksək qiymətləndiriblər. Daha sonra Kamil Zeynallı qonaqlar qarşısında çıxış edərək, "Limak Fitness Park" haqda geniş məlumat verib: "Yerləşmə yerinə görə, çox əlverişlidir. Nərimanov metrostansiyasının yanında, MetroParkın nəzdində yerləşir. Düşünürəm ki, hər kəsə rahat olacaq. Həm də qadın və kişi zalları ayrıdır. Ümumiyyətlə, girişləri də ayrıdır. Zallar çox genişdir - 600 kv. m kişilər üçün, 600 kv. m qadınlar üçün. Məşqlər mənim nəzarətimlə, hər gün səhər 9-dan, axşam 11-dək keçəcək".
Daha sonra qonaqlar, xüsusən də Kamil Zeynallının məşqlərinə qatılmış sənətçilər öz fikirlərini bölüşüblər.
Yığıncaq xeyli əyləncəli keçib, şirin zarafatlarla müşayiət olunub. Sonda Kamil Zeynallının qızı - Sahilə boks əlcəkləri geyinib atasını döyərək təbrik edib.
Qeyd edək ki, Kamil Zeynallı tez və effektiv arıqlatmaq (həmçinin kökəltmə) mütəxəssisi kimi tanınır.
Sonxeber.az

Fotoların müəllifi: Xəyyam Əliyev

Telegramda izləyin