Xorvatiyada bazar günləri işi məhdudlaşdırmağı planlaşdırılır

Xorvatiya yeni qanun layihəsi ilə bazar günləri işçilərin işini məhdudlaşdırmağı planlaşdırır.

Sonxeber.az xəbər verir ki, bu barədə Xorvatiyanın əmək naziri Marin Piletiç məlumat yayıb. O, bu həftə hökumətə təqdim ediləcək yeni qanun layihəsi ilə işçilərin bazar günlərini məhdudlaşdırmağı planlaşdırdıqlarını açıqlayıb.

Nazir layihə çərçivəsində işçilərin ayda maksimum 3 bazar, ildə isə 16 bazar günü işləyə biləcəyini qeyd edib. 1 yanvar 2023-cü il tarixindən etibarən bütün işçilərə normal maaşlarından 50 faiz çox maaş verməyi planlaşdırdıqlarını deyib.

Müstəqil Xorvatiya Həmkarlar İttifaqının rəhbəri Kresimir Sever bildirib ki, həmkarlar ittifaqları bazar günləri əmək haqqının 100 faiz artırılmasını tələb ediblər, lakin əlavə artımlar üçün danışıqların aparılması ehtimalı qalmaqdadır.

Bazar maaşlarının digər günlərlə müqayisədə 30-37% yüksək olduğu ölkədəki həmkarlar ittifaqları ayda 3 bazar günü işləməyi çox görürlər.

Şəbnəm Lətifi

Telegramda izləyin