"Ulu Öndər Heydər Əliyev bütün həyatını Azərbaycan dövlətinin qüdrətlənməsinə sərf edib" - DEPUTAT

Bu gün Azərbaycan xalqının ümummilli lideri Heydər Əliyevin anım günüdür. Ulu Öndərimiz Heydər Əliyev bütün həyatını Azərbaycan xalqının inkişafına, Azərbaycan dövlətinin qüdrətlənməsinə sərf edib.

Bunu Sonxeber.az-a Milli Məclisin deputatı Aydın Hüseynov deyib.

O bildirib ki, 1969-cu ilə qədər Heydər Əliyev general rütbəsinə qədər yüksəldi.

"Həmin fəaliyyət dövründə Heydər Əliyev Azərbaycançılıq məfkurəsinin yaranmasına xidmət etdi. Birinci dəfə siyasi hakimiyyətdə olanda Heydər Əliyev Azərbaycanı aqrar ölkədən sənaye ölkəsinə çevirdi.Onun sayəsində Azərbaycan İttifaq səviyyəsində ön sıralara gəlib çatdı. Ulu Öndərin şah əsəri müasir Azərbaycan dövlətini yaratmaq oldu. Əgər Heydər Əliyev 1993-cün ildə siyasi hakimiyyətə gəlməsəydi, bugünki Azərbaycan dövlətindən ürək dolusu danışa bilməzdik. Ulu Öndər Azərbaycanı parçalanmaqdan xilas etdi. Ölkəni həm iqtisadi, həm də siyasi sahədə xeyli inkişaf etdirdi. Ulu Öndər Azərbaycançılıq ideologiyası ortaya qoyub, dövlətçiliyin möhkəm sütunlarını yaratdı. Bugünki əldə etdiyimiz bütün naliyyətlər onun fəaliyyəti ilə bağlıdır. Onun bütün fəaliyyəti Azərbaycan xalqının inkişaf edib, çiçəklənməsi ilə bağlıdır. Heydər Əliyevin ən böyük xidmətlərindən, Azərbaycan xalqına verdiyi töhfələrdən biri də İlham Əliyev kimi şəxsiyyətin formalaşmasında roludur. Bunun nəticəsində Ulu Öndərin həyata keçirdiyi bütün strategiya, bütün hədəflər Prezidentimiz tərəfindən uğurla həyata keçirilir. Torpaqlarımızın azad olunmasının əsasını elə Ulu Öndərimiz müəyyənləşdirmişdi. Biz bugün qürurlu xalq olaraq Heydər Əliyevi daim yad edəcəyik, o hər zaman Azərbaycan xalqının qəlbində yaşayacaq".
AYSEL ƏKBƏR

Telegramda izləyin