Markovdan şok iddia: "Hər an Rusiya və Ermənistan arasında..."

"Hər an Rusiya-Ermənistan münasibətlərində düşmən mövqeyinə çevrilə biləcək kəskin pisləşmə baş verə bilər".

Bunu rusiyalı politoloq Sergey Markov deyib.

Ekspert iki ölkə arasındakı gərginliyin getdikcə artdığını, bunun da Ermənistandan qaynaqlandığını bildirib:

"Ermənistan Rusiyanı tərk edir.

Ermənistan rəhbəri Paşinyan Rusiya sülhməramlılarının Laçın yolundakı davranışlarından çox narazı olduğunu bildirib.

Ermənistan Xarici İşlər Nazirliyinin rəhbəri Moskvada keçirilməsi planlaşdırılan üçtərəfli görüşü pozdu. Moskvaya gəlməkdən imtina etdi.

BMT Təhlükəsizlik Şurasında ABŞ, Fransa və digər Qərb dövlətləri Ermənistanın mövqeyini dəstəklədilər. Buna görə də İrəvanda mədh edildilər.

Rusiya nümayəndəsinin BMT Təhlükəsizlik Şurasının iclasında obyektiv neytral çıxışı həm Ermənistan parlamentinin sədri, həm də erməni mediası tərəfindən tənqid edildi.

Fransa xüsusi xidmət orqanları Paşinyanın istəyi ilə Ermənistanın xarici kəşfiyyat xidmətini formalaşdırır.

Ermənistan rəhbərliyinin anti-Rusiya mövqeyinin sərtləşməsi Britaniya kəşfiyyatının rəhbərinin İrəvana səfərindən sonra başlayıb.

Hər an Rusiya-Ermənistan münasibətlərində düşmən mövqeyinə çevrilə biləcək kəskin pisləşmə baş verə bilər"./Teleqraf

Telegramda izləyin