Papa XVI Benedikt iç-içə 3 tabutda dəfn olundu

2013-cü ildə istefa verib təqaüdə çıxan keçmiş Papa XVI Benedikt dünən tarixi dəfn mərasimi ilə Vatikanda dəfn edilib.

Sonxeber.az xəbər verir ki Müqəddəs Pyotr meydanında keçirilən dəfn mərasimini minlərlə insan izləyib. Benedikt 600 ildə istefa verən ilk Papa olduğundan, müasir dövrdə ilk dəfə idi ki, vəzifədə olan Papa sələfinin dəfn mərasiminə rəhbərlik edirdi. Mərasimi on minlərlə insan izləyib. Papanın vətəni İtaliya və Almaniyadan olan nümayəndə heyətləri rəsmi olaraq Roma Papası Fransiskin rəhbərlik etdiyi dəfn mərasimində iştirak edib. İspaniya Kraliçası Sofiya, Belçika Kralı Filip və Kraliça Mathilde, Macarıstan, Polşa, Portuqaliya və Sloveniya kimi ölkələrin dövlət rəhbərləri mərasimdə xüsusi olaraq iştirak ediblər.
Papanın cəsədi ənənəyə uyğun olaraq xüsusi lentlər və möhürlərlə möhürlənərək üç ayrı tabuta qoyularaq Müqəddəs Pyotr Bazilikasının aşağı mərtəbəsindəki dəfn kameralarından birində dəfn edilib. Benediktin cəsədi bazar ertəsindən dünənki mərasimə qədər bazilikada ictimaiyyətə açıq olub. Vatikanın açıqlamasına görə, 3 gün ərzində katafalkada eks-papanı 200 minə yaxın insan ziyarət edib.

Şəbnəm Lətifi

Telegramda izləyin