Pakistan və Azərbaycan arasında mühüm gəlişmə: "Qaçılmaz idi"

"Rusiya-Ukrayna müharibəsinin yaratdığı yeni təhdidlər Cənubi Qafqazdan da yan keçir. Bu baxımdan, Azərbaycanın hərbi arsenalını uzaqmənzilli raketlərlə təchiz etməsi labüddür".

Bunu politoloq Məhəmməd Əsədullazadə deyib.

Ekspert Pakistan-Azərbaycan hərbi əməkdaşlığındakı son gəlişmələrə diqqət çəkib:

"Azərbaycan Pakistanla hərbi əməkdaşlıq müstəvisində bu ölkədən istiliyi müasir tanklar və 350 kilometr mənzilli raketlər almağı planlaşdırır. Azərbaycanın hərbi cəhətdən güclənməsi yeni təhdidlər fonunda ölkəmizin müdafiə qabiliyyətini yüksəldəcək, bununla yeni hərbi təhdidlərə hazır olacaq. Üstəgəl, Pakistan nüvə silahı olan yeganə müsəlman dövlətidir. Dünyanın ən güclü on ordusundan birinə malik belə bir dövlətin hər cəhətdən Azərbaycanın yanında olması təhlükəsizliyimiz üçün çox vacibdir.

Pakistanın müasir uzaqmənzilli raket, həmçinin qırıcı təyyarə istehsalçısıdır. Pakistan silahlarının gücü meydanda sübut olunub. Bununla yanaşı, Pakistan bir sıra dövlətlərlə, o cümlədən Çin kimi bir güclə birgə silah istehsal edir, hərbi layihələr həyata keçirir. Azərbaycan Pakistan və Çinin birgə istehsalı olan yüngül, çoxfunksiyalı qırıcı təyyarələr ala bilər.

İkinci Qarabağ Müharibəsindən sonra bölgədə yeni reallıq yaranıb. Bir ilə yaxındır davam edən Rusiya-Ukrayna müharibəsi isə dünya nizamını dəyişir. Bu müharibənin yaratdığı yeni təhdidlər Cənubi Qafqazdan da yan keçir. Bu baxımdan, Azərbaycanın hərbi arsenalını yeni, uzaqmənzilli raketlərlə təchiz etməsi qaçılmaz idi. Çünki təhdidlər təkcə Ermənistandan gəlmir, artıq bir sıra dövlətlər Azərbaycanı aşkar şəkildə təhdid etməyə başlayıblar. Məsələn, İran, Fransa və s. Buna görə də müdafiə qabiliyyətimizin gücləndirilməsi hava-su kimi önəmlidir"./Teleqraf

Telegramda izləyin