Qazaxıstan qar fırtınası səbəbindən distant təhsilə keçib

Qazaxıstanda qar fırtınası və soyuq hava səbəbindən şəhərlərarası yollar nəqliyyata bağlanıb və məktəblər distant təhsilə keçib.

Sonxeber.az xəbər verir ki, ölkədə paytaxt Astana da daxil olmaqla 11 şəhərdə buzlanma və çovğun xəbərdarlığı edilib.

Fövqəladə Hallar Nazirliyindən bildirilib ki, əlverişsiz hava şəraiti ilə əlaqədar son 24 saat ərzində 37 şəhərlərarası yol nəqliyyatın hərəkəti üçün bağlanıb.
Astana-Petropavlovsk avtomobil yolunda 9 avtomobilin iştirakı ilə qəza baş verib, Ulutau vilayətində yolda qalan 23 sərnişin avtobusdan çıxarılıb.

Bələdiyyə təmizlik qruplarının gecə-gündüz çalışdığı şəhərdə bir gecədə 2000-dən çox yük maşını ilə 39 min kubmetr qarın yığıldığı bildirilir.

Astana Qubernatorluğu şəhər sakinlərinə uzun müddət çöldə qalmamaq barədə xəbərdarlıq edib.

Şəbnəm Lətifi

Telegramda izləyin