Fransada əcnəbilərə qarşı pis rəftarları ifşa edən polisə təzyiq edilib

Fransa Ombudsmanı Claire Hedon Paris məhkəməsində əcnəbi əsilli məhbuslara qarşı sistematik irqçi və pis rəftarı ifşa edən müsəlman polis rəisi Amar Benmohamed-ə rəisləri və daxili işlər naziri Gerald Darmanin tərəfindən təzyiq edildiyini təsdiqləyib.
Sonxeber.az Street Press-ə istinadən xəbər verir ki, Hedon Paris məhkəməsində polis tərəfindən müttəhimlərə və məhbuslara qarşı hüquq pozuntularını ifşa etdikdən sonra polis rəisi Benmohamed-in təzyiqlərə məruz qalması ilə bağlı şikayətlərdən sonra araşdırmaya başlayıb.

Araşdırmalar nəticəsində noyabrın 12-də inzibati orqanlara təqdim etdiyi qərarda Hedon müxtəlif mənşəli 1000-dən çox müttəhimə qarşı irqçi və pis rəftarı ifşa edən Benmohamed-in illər ərzində təzyiq və hədə-qorxuya məruz qaldığını təsdiqləyib. O, 2017-2019-cu illərdə Paris məhkəməsində çalışıb.

Fransa Ombudsmanı Hedon belə nəticəyə gəlib ki, Benmohamedin rəhbərləri və nazir Darmanin tərəfindən hədəfə alınıb və qorxudulub.

Fransa mətbuatında yer alan xəbərlərə görə, polis rəislərindən biri olan Benmohamed 2017-2019-cu illərdə çalışdığı Paris məhkəməsində 1000-dən çox xarici əsilli müttəhimin pis rəftar edildiyini rəislərinə məlumatlandırıb.

Benmohamed, Fransa polisinin müttəhimlərlə sistematik şəkildə irqçi davrandığını, onları su və yeməkdən məhrum etdiyini bildirmişdi.

Qeyd edək ki, məsələnin mediada əks olunmasından sonra Təhlükəsizlik və Daxili İşlər Naziri Gerald Darmanin Benmohamed-ə qarşı bir sıra intizam prosedurlarına başlayıb.

Benmohamedin vəkilləri Fransa Ombudsmanına müraciət ediblər.

Şəbnəm Lətifi

Telegramda izləyin