Kremldə savaş şiddətlənir - Putinə yaxın isimlə bağlı şok iddia

"Vaqner" qrupunun lideri Yevgeni Priqojinin apardığı informasiya müharibəsi səbəbindən Rusiyanın orduya inamı azalır.

Bunu Ukrayna daxili işlər nazirinin köməkçisi Vadim Denisenko deyib.

Denisenko qeyd edib ki, Priqojinlə Rusiya Prezidenti Vladimir Putin arasında savaş yoxdur, çünki o, dövlət başçısı ilə rəqabət aparacaq səviyyədə deyil.

"Priqojinlə Rusiya Müdafiə Nazirliyi və Baş Qərargahı arasında şiddətli informasiya müharibələri gedir. Priqojin bu müharibəni Rusiyada ən yüksək siyasi liqaya girməyə cəhd etmək üçün aparır. Yəni Priqojin heç olmasa, Dumada fraksiyalardan birində yer almağı qarşısına məqsəd qoyub, - Ukrayna rəsmisi söyləyib.

Onun fikrincə, Rusiya Baş Qərargahı ilə "Vaqner"in lideri arasında gedən mübarizə Priqojinin siyasi gələcəyi üçün müharibədir: "Vaqner" rəhbərinin özü də başa düşür ki, dayansa, fiziki cəhətdən məhv ediləcək. Ona görə də bu müharibəni qızışdırmağa davam edəcək".

Yevgeni Priqojin ictimai-siyasi çevrələrdə "Putinin aşpazı" ləqəbi ilə tanınır./Teleqraf

Telegramda izləyin