Kolumbiya 20 ildən sonra Haitidə konsulluq açacaq

Kolumbiya Karib hövzəsi ölkəsi Haitidə 20 ildir bağlı olan konsulluğunun yenidən açacaq.

Sonxeber.az xəbər verir ki, Kolumbiyanın xarici işlər naziri Alvaro Leyva Haitidə uzun illərdir bağlı olan konsulluğun tezliklə açılacağını açıqlayıb.

Bildirilib ki, konsulluğun açılması barədə qərar Latın Amerikası və Karib Hövzəsi Dövlətləri Birliyinin (CELAC) dövlət və hökumət başçılarının 7-ci Sammiti zamanı qəbul edilib.

CELAC sammitində Leyva Haitinin xarici işlər naziri Jan Viktor Geneus ilə görüşərək iki ölkə arasındakı əlaqələri müzakirə edib.

Kolumbiya prezidenti Qustavo Petro 2021-ci il iyulun 7-də sui-qəsd nəticəsində öldürülən Haitinin sabiq prezidenti Jovenel Moise üçün Haitidən üzr istəyib.

Araşdırmalardan sonra sui-qəsdin 26 kolumbiyalı muzdlu tərəfindən törədildiyi məlum olub.

Şəbnəm Lətifi

Telegramda izləyin

instagramda izləyin