Türkiyə "Twitter"i niyə bağladı və niyə açdı?

"Bir neçə saat əvvəl Türkiyədə gözlənilməyən bir şəkildə "Twitter" bloklandı. Məsələ o qədər böyük idi ki, birbaşa işə İlon Musk da müdaxilə etməli oldu".

BiG.AZ xəbər verir ki, bu fikirləri texnobloger Fərid Pərdəşünas bildirib.

O dünən Türkiyədə "Twitter" sosial şəbəkəsinə girişdə problemin yaranması ilə bağlı danışıb.

"Dərhal Nazirlik ilə "Twitter" rəsmiləri video konfrans həyata keçirdilər. Nazirlik "Twitter"in saxta məlumatların yayılmasının qarşısını almadığını (saxta yer bildirimi), saxta yardım hesablarını bloklamadığını və cəmiyyətdə xaos yarada biləcək dezinformasiya ilə mübarizə aparmadıqlarını bildirib. Rəsmilər isə bunu qəbul edib və xüsusi işçi qrupu ilə məsələni nəzarətə götürüblər. Daha sonra Türkiyədə "Twitter" istifadəyə açılıb.

Türkiyədə bir çox siyasi fəal məsələnin siyasi olduğunu, müxalif fikirləri boğmaq üçün bu addımın atıldığını iddia edirdi. Təcrübə isə göstərir ki, Türkiyə vaxtaşırı olaraq qlobal platformaları bloklamaqla, sonda öz dediyini elətdirib. Düşünürəm ki, qısa müddət belə olsa da bunu bloklamadan da etmək olardı" - deyə o qeyd edib.

Telegramda izləyin