Saakaşvili Ərdoğana başsağlığı verib

Gürcüstanın həbsdə olan sabiq prezidenti Mixail Saakaşvili prezident Rəcəb Tayyib Ərdoğana Türkiyədə baş verən zəlzələlərlə bağlı başsağlığı verib.
Sonxeber.az xəbər verir ki, 2021-ci il oktyabrın 1-də Gürcüstanda həbs edilən sabiq prezident Mixail Saakaşvili müalicə aldığı klinikadan prezident Rəcəb Tayyib Ərdoğana başsağlığı verib.

"Ölkənizdə baş verən faciə ilə bağlı səmimi və dərin başsağlığımı qəbul edin. Baş verən faciədən Gürcüstan və Ukraynada dərin hüznlə kədərlənirik və oradakı vətəndaşlar, türk qardaşlarımızın acısını hiss edirik" ,- deyə Saakaşvili rəsmi sosial media hesabında türkcə yayımladığı mesajında qeyd edib.

"Əminəm ki, bu vəziyyəti idarə etməniz Türkiyənin zəlzələlərin nəticələrini mümkün qədər aradan qaldırmasına kömək edəcək " ,- deyə sabiq prezident əlavə edib.

Qeyd edək ki, fevralın 6-sı Türkiyənin cənub-şərqində 7,7 və 7,6 bal gücündə zəlzələ baş verib. Fevralın 20-si isə Hatayda 6,4 bal gücündə zəlzələ olub.

Şəbnəm Lətifi

Telegramda izləyin