Yaponiyanın cənubunda şübhəli obyekt sahilə düşüb

Yaponiyanın cənubundakı Şizuoka prefekturasının Hamamatsu şəhər çimərliyində şübhəli obyektlər aşkar edilib.

Sonxeber.az xəbər verir ki, Enşu çimərliyində tapılan naməlum obyekt barədə yerli hakimiyyət orqanlarına məlumat verildikdən sonra hadisə yerinə polis göndərilib.

Bildirilib ki, diametri 1,5 metr olan sferik obyekt tamamilə paslanıb və üzərində çıxıntı var.

X-şüaları ilə müayinədən sonra boş olduğu aşkarlanan obyektin partlama riski daşımadığı bildirilib.

Qeyd edilib ki, yerli polis təhlükəsizlik məqsədilə obyektin ətrafını 200 metr mühasirəyə alıb və bir müddət mülki girişlərə bağlayıb.

Obyektin fotoşəkillərinin Yaponiya özünümüdafiə qüvvələrinə (SDF) və sahil mühafizəsi ekspertlərinə göndərildiyi bildirilir.

Ölkə mətbuatında obyektin dəniz minası kimi qiymətləndirildiyi bildirilib.

Telegramda izləyin