Hilari Klinton Bəxtiyar Hacıyevə dəstəyini bildirib

ABŞ-ın sabiq dövlət katibi Hilari Klinton həbsdə aclıq aksiyası edən Bəxtiyar Hacıyevə dəstəyini bildirib.

Sonxeber.az xəbər verir ki, bu barədə Hilari Klinton öz sosial media hesabında paylaşım edib.

"Mən azərbaycanlı aktivist Bəxtiyar Hacıyev üçün narahatlığını bildirən insan və təşkilatların çağırışına qoşuluram. O, dekabr ayından siyasi səbəbdən həbsinə etiraz üçün aclıq aksiyası edir və vəziyyəti getdikcə pisləşir. Dünya bunu izləyir" ,- deyə Klinton qeyd edib.

Qeyd edək ki, Bəxtiyar Hacıyev Cinayət Məcəlləsinin 221-ci (xuliqanlıq) və 289-cu (məhkəməyə hörmətsizlik etmə) maddələri ilə həbs olunub və hazırda aclıq aksiyası edir. O, 2012-ci ildə də həbs olunub. Hilari Klintonun ona baş çəkib dəstək olması azad edilməsində rol oynamışdı.

Telegramda izləyin