"Bu təxribat Paşinyanın da istəklərinə ziddir" - Qabil Hüseynli

Xankəndi-Xəlfəli-Turşsu torpaq yolundan istifadə edilməklə Ermənistan Respublikasından hərbi ləvazimatların, silah-sursatın və şəxsi heyətin Rusiya sülhməramlı kontingentinin müvəqqəti yerləşdiyi Azərbaycan ərazilərinə daşınmasının qarşısı alınarkən Ermənistanın nəqliyyat vasitəsi sıradan çıxarılıb.
Qarşı tərəfdən atəş açılıb və baş vermiş atışma nəticəsində hər iki tərəfdən həlak olan və yaralananlar var.

Bununla bağlı Sonxeber.az-a danışan politoloq Qabil Hüseynli bildirib ki, rus sülhməramlıları bölgədə pozitiv rol oynaya bilmir, əksinə, həm separatçıları qoruyur, həm də alternativ yolun, yəni Ermənistanla birləşdirən yolun işləməsini təmin ermək üçün səy göstərir.

O həmçinin qeyd edib ki, Azərbaycan ordusunun başqa çıxış yolu qalmır. Ermənilərin süni şəkildə gərginləşdirdiyi vəziyyəti Azərbaycan ordusu müəyyən dairələrə ultimatum verdikdən sonra nəticəsi olmayacağı təqdirdə anti-terror əməliyyatlarına başlaya bilər.

"Separatçılara Ermənistandan silah yardımı göstərirlər. Üstəlik Ruben Vardanyanın Qarabağın ermənilər yaşayan hissəsinə gəlməsi barədə məlumatlar var. Özü müsahibəsində bunu bildirib. Separatçı rejimin liderləri vəziyyəti gərginləşdirir.Azərbaycanla toqquşmaya gedə bilərlər, amma onların kifayət qədər gücü yoxdur. Onları arxayın edən yeganə qüvvə ərazilərimizdə qalan Ermənistan silahlı qüvvələrinin qalıqlarıdır. Onlar Moskvada imzalanmış üçtərəfli sazişə uyğun olaraq çoxdan oradan çıxarılmalı, həmin yerlərdə rus sülhməramlıları yerləşməli idi. Rusiya öz üzərinə düşəni etmədi. Ermənistan silahlı qüvvələrinin orada qalması üçün hər cür şərait yaradıldı. Rus sülhməramlıları bölgədə pozitiv rol oynaya bilmir, əksinə, həm separatçıları qoruyur, həm də alternativ yolun, yəni Ermənistanla birləşdirən yolun işləməsini təmin ermək üçün səy göstərir. Öz ərazimizdə bizə qarşı olan qüvvələrin sayı artıb. Rus sülhməramlıları bizimlə səmimi münasibətdə deyildi. Ərazilərimizdə olan erməni qüvvələrinin qalıqları da hərəkətə gəlib Şuşa və Ağdamı atəşə tuturlar, bölgədə gərginlik yaradırlar. Ona görə də Azərbaycan ordusunun başqa çıxış yolu qalmır. Ermənilərin süni şəkildə gərginləşdirdiyi vəziyyəti Azərbaycan ordusu müəyyən dairələrə ultimatum verdikdən sonra nəticəsi olmayacağı təqdirdə anti-terror əməliyyatlarına başlaya bilər. Bu əməliyyat ərazilərimizdə qeyri-qanuni yerləşdirilmiş qüvvələrin ərazimizdən çıxarılmasına yönələcək" ,- deyə politoloq bildirib.

Qabil Hüseynli əlavə edib ki, bu təxribatın Paşinyanın göstərişi ilə olduğunu iddia etmir. Bu Ermənistandakı revanişt qüvvələr və Rusiyanın bəzi qüvvələrinin təxribatıdır :
"Ermənistandan silah daşınmasının səbəbi Qarabağda silah-sursat çatışmazlığıdır. Mən iddia etmirəm ki, bu, Paşinyanın göstərişi ilə edilib. Ermənistan hakimiyyətində kifayət qədər revanşist qüvvələr, Qarabağ klanının adamları var .Onlar Qarabağın ermənilər yaşayan hissəsini Azərbaycana təslim etmək fikrində deyillər. Mən çəkinmədən deyəcəm ki, Rusiya sülhməramlıları ilə birlikdə aventura düzüb qoşdular. Təxribat Nikol Paşinyanın da istəklərinə ziddir. Bu təxribat Qarabağda yenicə başlamış ermənilərin Azərbaycana reinteqrasiya prosesinə tormoz vurmaq məqsədi daşıyır. Təxribatda Rusiyanın müəyyən qüvvələrinin olduğunu çəkinmədən demək lazımdır .Üstəlik Avropa Birliyindən gələn mülki müşahidəçilərin də gəlməsi Ermənistanın müəyyən dairələrinə təkan verib. Mürəkkəb proseslər gedir, amma Azərbaycan lazım olan tədbirləri görür".

İstiqamət: Azərbaycanın dövlətçilik tarixinin, milli adət-ənənələrinin, elm və mədəniyyətinin təbliği
Material Azərbaycan Respublikasının

Şəbnəm Lətifi

Telegramda izləyin