Braziliyada "Kiçik Qatil Pedro" ləqəbli məşhur seriyalı qatil Sao Pauloda güllələnib.

Braziliyada 71 qətldə təqsirli bilinən və 42 il həbsdə yatdıqdan sonra 2017-ci ildə azadlığa çıxan "Kiçik Qatil Pedro" ləqəbli məşhur seriyalı qatil Pedro Rodriqes Filyo San-Pauluda güllələnib.

Sonxeber.az xəbər verir ki, "Metropoles" qəzeti ölkənin ən məşhur seriyalı qatillərindən biri hesab edilən 68 yaşlı Filhonun dünən öldürüldüyünü bildirib.

İki silahlı şəxs San-Paulu əyalətinin Mogi das Kruzes şəhərindəki evinin qarşısında portuqalca "Pedrinho Matador" və ya "Kiçik Qatil Pedro" kimi tanınan Filyoya dəfələrlə atəş açıb.

İlk dəfə 1973-cü ildə həbs edilən və 2007-ci ildə həbsdən çıxan Filho, daha sonra daha iki müddətə azadlıqdan məhrum edilib. Filho 71 qətldə təqsirli bilinib və ümumilikdə 42 il həbs cəzası çəkdikdən sonra 2017-ci ildə azad edilib.

Filho öz atası da daxil olmaqla sağlığında 100-dən çox insanı öldürdüyünü iddia etsə də, "Mən canavar deyiləm" adlı tərcümeyi-halı dərc etdirib.

İstintaqı davam etdirən səlahiyyətlilər Filhonun qətlinin qisas məqsədi ilə törədilən cinayət ola biləcəyindən şübhələnirlər.

Telegramda izləyin