"Hayastana "ədalət" axtaran Avropa Parlementi ermənilərin törətdiyi vəhşilikləri görməməzlikdən gəlir" - DEPUTAT

"Avropa Parlamentin qəbul etdiyi qətnamələr kağız parçasından başqa bir şey deyil".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, bu gün Azərbaycanın regionda söz sahibi olması bəzi qüvvələri və təşkilatları narahat edir:

"Bu gün Azərbaycanı "Hayastana hərbi təcavüz etməkdə" günahlandıran Avropa Parlamenti bu günə kimi Xocalıda, Gəncədə, Bərdədə törədilən erməni vəhşiliyini pisləyən qətnamə qəbul etməyib? Xocalı soyqırımı tək azərbaycanlılara deyil, insanlığa qarşı törədilmş vəhşilikdir. 44 günlük Vətən müharibəsində döyüş meydanından qorxub qaçan Ermənistan ənənəsinə sadiq qalaraq Gəncədə, Bərdədə əliyalın insanlara qarşı arda-arda terror aktları törətdilər. Ermənistan işğal etdiyi rayon və şəhərlərdə misli görünməmiş vəhşiliklər törədiblər. Məscidləri, dini, tarixi və mədəni abidələri dağıdıb, meşələri yandırıb,təbii sərvətlərimizi isə talan ediblər. Bu gün Hayastana ədalət axtaran Avropa Parlementi Ermənistanın bu vəhşiliklərini görməməzlikdən gəlir. Səbəbi də aydındır. Çünki Avropa Parlamentində oturan bir qrup deputatlar ermənilər tərəfindən satın alınıblar. Avropa Parlamentinin rəhbərlərinin korrupsiya faktı ilə tutulması da bunu bir daha sübut etdi".

Deputat vurğulayıb ki, 44 günlük Vətən müharibəsindən sonra bəzi dövlət və təşkilatların maskası cırıldı:

"Biz zamanla Ermənistanın arxasında dayanan qüvvələrin kimlər olduğunu aydın görürük. Bu gün də Ermənistan təxribatlarına davam edir. Ermənistan və havadarları bu yolla sülh prosesini ləngitməyə, regionda vəziyyəti gərginləşdirməyə çalışırlar. Bu ssenari bizə tanışdır. 30 il ərzində biz bu oyunları çox görmüşük. Bu təxribatlar davam edərsə "Dəmir yumruq" yenidən işə düşəcək. Məsləhət görərdim ki, Ermənistan havadarlarına deyil də cənab prezident İlham Əliyevin məsləhətlərinə qulaq assın".

Aysel Yusifqızı

Telegramda izləyin