Hindistanlı fermerlər soğan qiymətlərinin artırılması tələbi ilə Mumbaya yürüş keçirib

Hindistanın Maharaştra əyalətində minlərlə fermer soğan qiymətinin artırılması tələbi ilə paytaxtı Mumbaya doğru yürüşlərini davam etdirir.
Sonxeber.az xəbər verir ki, Maharaştra əyalətinin Naşik bölgəsindən soğan qiymətlərinə etiraz edən minlərlə fermer sərt hava şəraitinə baxmayaraq, martın 12-də Mumbaya doğru başladıqları yürüşünü davam etdirir.

Mətbuata əks olunan görüntülərdə leysan altında qalan fermerlərin Vasind şəhərində avtomobilləri ilə traktorlarının arasına neylon örtüklər çəkərək yağışdan qorunmağa çalışdıqları görünür.

Son həftələrdə soğanın qiymətinin sürətlə aşağı düşməsindən sonra hökumətdən təcili maliyyə dəstəyi istəyən fermerlər də 12 saat fasiləsiz elektrik xidmətinin olmasını və fermerlərin borclarının silinməsini istəyirlər.

BBC-nin məlumatına görə, Çindən sonra dünyada ikinci ən böyük soğan istehsalçısı olan Hindistanda ildə təxminən 24 milyon ton soğan istehsal olunur. Ölkədə soğan istehsalının yarıdan çoxu Maharaştra ştatında həyata keçirilir.

Telegramda izləyin