Ramazan ayının başlanması ilə əlaqədar fətva verildi

Ramazan ayının başlanması ilə əlaqədar fətva verildiQafqaz Müsəlmanları İdarəsi Qazılar Şurası Ramazan ayı ilə bağlı fətva verib.

Mətni təqdim edirik:

"Bismillahir-rəhmanir-rəhim!

Qafqaz Müsəlmanları İdarəsinin Qazılar Şurası mübarək Ramazan - orucluq ayının başlanması münasibəti ilə dünya və ölkə müsəlmanlarına təbriklərini ünvanlayır, bu müqəddəs ayda vacib ibadətlərimizin Allah dərgahında qəbula yetməsi üçün dualar edir. Ramazanın fəzilətləri barədə müqəddəs kitabımız Qurani-Kərimdə Uca Rəbbimiz buyurur:

"Ramazan ayı insanlara doğru yol göstərən, doğru yolu və haqqı batildən ayırmağı açıq-aşkar dəlillərlə bəyan edən Quranın nazil olduğu aydır. Sizdən hər kim o aya yetişsə oruc tutsun.." (Bəqərə, 185).

Aləmlərə rəhmət, möminlərə mərhəmət olan Qurani-Kərimin nazil olduğu mübarək Ramazanda müqəddəs dinimizə ehtiram nümayiş etdirməkdə, oruc ibadətimizi layiqincə tamamlamaqda bizə yardımçı olmasını Uca Rəbbimizdən raz-niyaz edirik!
Qazılar Şurası bu ilki Ramazan Fətvasını dindarlarımızın nəzər-diqqətinə təqdim edir və bildirir ki, Qafqaz Müsəlmanları İdarəsinin müvafiq sorğusuna əsasən Azərbaycan Milli Elmlər Akademiyası Şamaxı Astrofizika Rəsədxanasının 32/201(Ş) saylı 14.12.2022 tarixli cavab məktubuna görə, bu il Ramazan ayının 1-i miladi təqvimlə mart ayının 23-nə təsadüf edəcəkdir, inşallah!

Möhtərəm qardaş və bacılar! On bir ayın sultanı olan Ramazani-şərif duaların qəbul olunduğu aylardandır. Şükürlər olsun ki, Qarabağ Fatehi kimi tarixi ad qazanan Prezidentimizin fədakar səyləri və müdrik siyasəti sayəsində biz Ramazanı qalib xalq, böyük Zəfər niyyətinə yetişmiş millət kimi qarşılayırıq. Mübarək ayın verdiyi bu fürsətdən istifadə edərək əzəli torpaqlarımıza Böyük Qayıdışın təmin olunması, viran qoyulmuş ərazilərimizə yeni nəfəs verilməsi, Qarabağda müasir həyat şəraitinin qurulması, vandalizmə məruz qalmış dini məbədlərin, məscidlərin bərpa edilməsi istiqamətində fövqəladə zəhmətlərinə görə dövlət başçısı İlham Əliyevə, eləcə də ölkəmizin Birinci vitse-prezidenti Mehriban Əliyevaya Azərbaycan dindarları adından dərin minnətdarlığımızı bildirir, bu mübarək günlərdə onlara ən böyük İlahi nemət olan cansağlığı diləyirik.

Mənəviyyat və əxlaqın zənginləşməsinə vəsilə olan oruc ibadəti insanın daxili saflığına, pis vərdişlərdən uzaq durmasına, Allah yolunda xeyirxah işlər görməsinə, fiziki və mənəvi cəhətdən sağlam olmasına səbəb olur. Orucluq ibadəti sosial yardımlaşmanı artıran, mənəvi dəyanəti gücləndirən İlahi qüvvəyə malikdir. Mərhəmət və şəfqət ayı olan müqəddəs Ramazan ayı ərzində iftar süfrələri açmaq, yardım və xeyriyyəçilik etmək, ehtiyacı olanlara, kimsəsiz insanlara, uşaq evlərinə, ahıl və qocalara imkan daxilində köməklik göstərmək Allah nəzərində bəyənilən əməllərdəndir. Quran tilavəti, valideynlərin qayğısına qalmaq, dünyasını dəyişənlərin ruhlarını yad etmək, elm-irfan və ibadətlə məşğul olmaq bu ayda ən böyük savabdır. Tövsiyə edirik ki, bu mübarək günlərdə torpaqlarımız, Vətənimiz uğrunda canlarını fəda edən qəhrəman şəhidlərin xatirəsi yad edilsin, ruhlarına dualar oxunsun, şəhid və qazi ailələrinə qayğı və diqqət göstərilsin. Qazılar Şurası din xadimlərimizin və yerlərdəki imamlarımızın nəzərinə çatdırır ki, Ramazanın vacibatları, qayda və qadağaları, müstəhəb əməlləri barədə dindarlara ətraflı şəkildə məlumatlar və şərhlər verilsin.

Hər il olduğu kimi, bu il də Qafqaz Müsəlmanları İdarəsi mübarək Ramazan ayının gündəlik duaları, imsak-iftar vaxtlarını əks etdirən xüsusi təqvim tərtib etmişdir. Bu təqvim İdarəmizin internet saytında (www.qafqazislam.com) yerləşdirilmişdır. Digər mənbələrdən daxil olmuş, təfriqə xarakterli, məzhəb və vaxt ayrı-seçkiliyinə səbəb ola biləcək təqvimlərin din xadimləri və dindarlar tərəfindən istifadəsi qeyri-məqbuldur. Bütün kütləvi informasiya vasitələrindən məhz QMİ-nin təqviminə istinad etmələri xahiş olunur. İnşallah, Qafqaz Müsəlmanları İdarəsinin Qazılar Şurası Eydül-Fitr – Ramazan bayramının tarixi barədə əlahiddə məlumat verəcək.
Bu mübarək Ramazan ərəfəsində dua edirik ki, Qadir Allah doğma Azərbaycanımızı, dövlətçiliyimizin təminatı olan müdrik ölkə başçımızı, müzəffər ordumuzu və əziz xalqımızı qorusun, bütün bəlalardan hifz etsin, rifah və tərəqqimizə rəvac versin! Allah oruc və namazlarımızı qəbul etsin, bizləri məğfirət və mərhəmətinə nail olan bəndələrindən qərar versin. Amin!

Vəssalamu əleykum və rəhmətullahi və bərəkatuh!"


Sonxeber.az Telegramda izləyin instagramda izləyin
Sosial   Baxılıb: 2010   Tarix: 21 mart 2023  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

DİGƏR MARAQLI XƏBƏRLƏR

Hicama haqqında nələri bilirik?

Son zamanlar çox eşitdiyimiz, "hicama", "hacamat" kimi tanınan küpə terapiya müalicə üsulu barədə nələri bilirik?. -ın verdiyi xəbərə görə, bu barədə həkim-fitoterapevt, apiterapevt, bitkilər üzrə elmi işçi Elnur Eldaroğlu izləyicilərini məlumatlandırıb. Hicama faydaları çox ols

13 may

"Yüksek Sadakat" Azərbaycana gəlir

Türkiyənin populyar musiqi qrupu "Yüksek Sadakat" Azərbaycanda konsert verəcək. xəbər verir ki, qrup 15 aprel tarixində "Hayal Kahvesi Baku"da səhnəyə çıxacaq. Qeyd edək ki, rok qrupu 2011-ci ildəki Avroviziya mahnı yarışmasında Türkiyəni təmsil etmişdi

13 aprel

"Azərbaycan-Türkiyə dostluğu, qardaşlığı əbədi və sarsılmazdır"-ŞƏRH

"İki dost və qardaş ölkə Azərbaycanla Türkiyə tarixin bütün dövrlərində sevincli və kədərli günlərdə bir-birinin yanında olublar. Tarix boyu Türkiyə və Azərbaycan arasında sarsılmaz dostluq və qardaşlıq münasibətləri mövcud olub. Hər iki xalqlar istər xoş günlərdə, istərsə də çətin vaxtlarda birli

6 aprel

"İran hər zaman Azərbaycana qarşı qərəzli münasibət bəsləyib" - DEPUTAT

"Azərbaycan qonşu ölkələrlə dostluq müansibətində olsa da hər zaman xəyanətlə üzləyişib" . Bunu -a danışan deputat Cəbi Quliyev deyib. Deputat qeyd edib ki, İran daim Azərbaycana qarşı qərəzli münasibət bəsləyib:. "Hazırda İran Zəngəzur dəhlizinin açılmasına və sülh müqaviləsinin imzalanmasın

5 aprel

"İran hazırda Ermənistanın oyunlarına alət olub" - Deputat

"İran əzəldən ermənipərəst mövqeyi seçilən ölkələrdən olub". Bunu -a danışan deputat Asim Mollazadə deyib. Deputat qeyd edib ki, ermənipərəst ölkənin nümayəndəsindən bu cür sərsəm fikirlərin səsləndirilməsi normaldır:. "Hazırda İranda vəziyyət gərgindir. Bu insanlar çalışırlar ki, bu cü

5 aprel

Üzərində 1 kiloqramdan artıq heroin aşkarlandı

Abşeron Rayon Polis İdarəsinin əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini əvvəllər məhkum olunmuş A.Hüseynov saxlanılıb. Daxili İşlər Nazirliyindən -a verilən xəbərə görə, üzərinə baxış zamanı ondan 1 kiloqramda

21 mart

"Azərbaycan xalqı artıq 3 ildir Novruz bayramını işğaldan azad edilmiş torpaqlarımızda da qeyd edir" - KAMİLƏ ƏLİYEVA

Prezident cənab İlham Əliyev torpaqlarımızı işğaldan azad etməklə ata vəsiyyətini yerinə yetirdi, Azərbaycan xalqının qürurunu, mənəviyyatını, kimliyini özünə qaytardı. Ölkə başçımız torpaqlarımızı düşmən işğalından qurtaran Müzəffər Ali Baş Komandan, cəsur sərkərdə kimi adını Azərbaycan tarixinə yazdırdı

21 mart

Bakıda 15 yaşlı yeniyetmə itkin düşüb.

Bakıda 15 yaşlı yeniyetmə itkin düşüb. xəbər verir ki, Sabunçu rayonu Bakıxanov qəsəbəsi, Ş.Kamilov küçəsi ev 11, mənzil 52-də yaşayan Qaziyev Seymur Kərim oğlu ötən gün Sabunçu RPİ-nin 13-cü PB-nə ərizə ilə müraciət edərək onunla birlikdə yaşayan, ruhi əsəb xəstəliyindən əziyyət çəkən 2008-ci il təvəllüdl

21 mart

100 gün oldu-FOTO

Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının, xüsusilə "Qızılbulaq" qızıl və "Dəmirli" mis-molibden yataqlarının qanunsuz istismarına etiraz olaraq ekofəallar və QHT təmsilçiləri Şuşa şəhərində - Laçın-Xankəndi yolunda aksiyanı dava

21 mart