"Həmkarım Fazil Mustafaya edilmiş sui-qəsdi qətiyyətlə qınayıram" - Cavanşir Paşazadə

"Deputat Fazil Mustafaya olan xain silahlı hücumu hər kəs kimi məni də hiddətləndirdi".

Bunu Somxeber.az-a danışan deputat Cavanşir Paşazadə bildirib.

"Həmkarım Fazil Mustafaya edilmiş sui-qəsdi qətiyyətlə qınayıram. Fazil Mustafa Bakıda yaşadığı evinin qarşısında güllələnib. Evinin qarşısında silahlı hücuma məruz qalan deputat həmkarıma bir neçə dəfə atəş açılıb. Xoşbəxtlikdən terrorçular öz iyrənc niyyətlərini həyata keçirə bilməyiblər. Allahdan Fazil bəyə şəfa diləyirəm".

Deputat vurğulayıb ki, millət vəkilinə qarşı təşkil edilən bu sui-qəsd cəzasız qalmayacaq və hüquq mühafizə orqanları terrorçuları tezliklə tapacaqlar:

"Bu addım dövlətə qarşı atılan addımdır və heç şübhəsiz müvafiq qurumlarmız bunun cavabını layiqincə verəcək. Fazil bəy dövlətinə və xalqına sadiq deputat olub. İnanıram ki, Fazil bəy təzəliklə sağalaraq aramıza geri qayıdacaq".

Aysel Yusifqızı

Telegramda izləyin