İngiltərə kralı III Çarlzın ilk portretinin təqdimatı olub

İngiltərə kralı III Çarlzın "Illustrated London News" jurnalının sifarişi ilə çəkilmiş ilk portreti təqdim olunub.

Sonxeber.az xəbər verir ki, İngiltərənin paytaxtı Londonda rəssam Alastair Barford tərəfindən çəkilmiş Kral Çarlzın ilk portretinin rəsmi açılışı olub.

Rəsmin tanıtım tədbirində rəssam Barford və "Illustrated London News" jurnalının baş icraçı direktoru və sahibi Liza Barnard, eləcə də bir çox mətbuat nümayəndələri iştirak ediblər.

Rəssam Barford burada verdiyi açıqlamada portreti çəkmək üçün Kral Çarlzın qarşısına oturmadığını və fevralın 17-də Bukingem sarayında iştirak etdiyi ziyafətdə Kralı müşahidə etdiyini və mobil telefonu ilə bir neçə şəkil çəkdirdiyini bildirib.

Kral Çarlzın bu tədbirdə qonaqlarla ünsiyyətindən heyran qaldığını bildirən Barford kralın qonaqlarla olan empatiyasını portretində əks etdirdiyini bildirib.

Rəssam Barford İngiltərə kralının yağlı boya portretini iki həftə ərzində tamamladığını izah etdi.

"Illustrated London News" jurnalının baş icraçı direktoru Barnard da 1842-ci ildə nəşr olunmağa başlayan jurnalın yaranmasından danışıb və kral ailəsinin arxivində olan fotoşəkilləri nümayiş etdirib.

Jurnalın xüsusi sifarişi ilə çəkilmiş tablonun jurnalın xüsusi tacqoyma nömrəsinin üz qabığında olduğunu bildirən Barnard, 70 min tirajla çap olunan bu jurnalın İngiltərə və Kanadada satılacağını qeyd edib.
Kral Çarlz mayın 6-da tac qoyacaq.

Portretdə yerli Amazon lideri Dominqo Pass tərəfindən ona hədiyyə edilən kostyumda görünən Kralın qolunda bilərzik var.

35 yaşlı rəssam Barford 2015-ci ildə İngiltərə kraliçası II Elizabetin portretini çəkib.

İngiltərə kralı III Çarlzın tacqoyma mərasimi mayın 6-da keçiriləcək.

Telegramda izləyin