İranda məktəblərdə baş verən kütləvi zəhərlənmə ilə bağlı bəzi şəxslər saxlanılıb

İranda daha çox qız məktəblərində baş verən və ölkədə etirazlara səbəb olan kütləvi zəhərlənmə hadisələri ilə bağlı bəzi şəxslərin saxlanılıb.

Sonxeber.az xəbər verir ki, məktəblərdə baş verən kütləvi zəhərlənmə hadisələri ilə əlaqəli olduğu təsbit edilən şəxslərin tutulduğu bildirilib.

"Bu çərçivədə məktəbləri bağlayan, təhlükəsizliyi və şagirdlərin asayişini pozan şəxslər aşkar edilərək saxlanılıb",- deyə bəyanatda bildirilib.

Bəyanatda neçə nəfərin saxlandığı dəqiqləşdirilməsə də, kütləvi zəhərlənmə hallarının səbəbkarlarının ciddi şəkildə cəzalandırılacağı qeyd edilib.

2022-ci il noyabrın 30-dan İranda əsasən qız tələbələrin təhsil aldığı məktəblərdə vaxtaşırı kütləvi zəhərlənmə halları baş verir.

Şagirdlərdə tənəffüs çətinliyi, ürəkbulanma, baş ağrısı və ətraflarda uyuşma kimi simptomlar müşahidə olunur. Ölkədə indiyədək yüzlərlə məktəbdə minlərlə şagird zəhərlənib.

İran Daxili İşlər Nazirliyi martın 11-də verdiyi yazılı açıqlamada Tehran, Qum, Zəncan, Xuzistan, Həmədan, Fars, Gilan, Qərbi Azərbaycan, Şərqi Azərbaycan məktəblərində 100-dən çox insanın kütləvi zəhərlənmə hadisələrində şübhəli bilindiyini açıqlayıb.
Təxminən bir aya yaxındır yaşanmayan kütləvi zəhərlənmə halları son günlər yenidən müşahidə olunmağa başlayıb.

Telegramda izləyin