Bolqarıstanda seçki xərcləri 500 milyon avroya çatıb

Bolqarıstanda son 2 ildə davam edən siyasi böhranın gətirdiyi 5 növbədənkənar ümumi seçkilərin xərci 500 milyon avroya çatıb.

Sonxeber.az xəbər verir ki, Bolqarıstan İctimai Ətraf Tədqiqat İnstitutunun açıqladığı hesabata görə hökumət qura bilməyən son 4 parlamentin səmərəsiz işləməsi ucbatından xəzinəyə böyük xərclər qoyulub.

Xərclər seçki prosesinin hazırlanması, seçki bülleteninin çapı, seçki üçün dəftərxana ləvazimatları xərcləri, maddi-texniki təminat və kadr hazırlığı kimi bir çox bəndlərə köçürülüb.

2021-ci ildən bu yana ölkədə keçirilən 5 ümumi və bir prezident seçkisinin xərci 500 milyon avroya çatdığı halda, ən böyük xərclər seçki yerlərində çalışanlara verilən maaşlar olub.

6,52 milyon əhalisi olan Bolqarıstanda son seçkilərin hər birində 5 milyon kağız bülleten çap edilib. Bu bülletenlər üçün xərclər son 5 seçkidə hər dəfə 750 min avroya başa gəlib.

Son seçkidə 40 faizə qədər geriləyən seçici fəallığının yeni növbədənkənar seçkidə daha da aşağı olacağı gözlənilir.

Telegramda izləyin