ABŞ: "Bəhmutda 20 mindən çox rus döyüşçüsü öldürüldü"

Amerika administrasiyası Bəhmutda 80 min rus döyüşçünün də yaralandığını iddia edib.

Sonxeber.az xəbər verir ki, kəşfiyyat məlumatlarına əsaslanan bəyanatı ABŞ Milli Təhlükəsizlik Şurasının sözçüsü Con Kirbi verib.

Kirbi ölənlərin yarısının Rusiyanın muzdlu şirkəti "Vaqner"ə bağlı döyüşçülər olduğunu iddia edib.

Kəşfiyyat məlumatı doğrudursa, Rusiyanın itkisi şəhərin müharibədən əvvəlki 70 min əhalisini üstələyən həddə çatıb.

"Əsasən Bəhmutu hədəf alan Rusiyanın hücumu uğursuz oldu. Ciddi və strateji qazanc əldə edə bilmədilər", - deyə o bildirib.

Kirbi bildirib ki, Rusiya burada 20 min insan itirib, 80 mindən çox insan yaralanıb.

ABŞ Milli Təhlükəsizlik Şurasının sözçüsü ukraynalı itkilər barədə məlumat vermək istəməyib.

Telegramda izləyin